ඔලිම්පික් උළෙලට ප්රේක්ෂක සහභාගිත්වය ගැන බලාපොරොත්තුවක්
Monday, 16 November 2020 - 16:56 | Views - 265
ලබන වසරේ පැවැත්වෙන ටෝකියෝ ඔලිම්පික් උළෙල සඳහා ප්රේක්ෂකයන් සහභාගි කරවා ගැනීමට හැකිවනු ඇතැයි ජාත්යන්තර ඔලිම්පික් කමිටුවේ ප්රධානී තෝමස් බාහ් ප්රකාශ කළා.
ඒ පිළිබඳ තමන්ට දැඩි විශ්වාසයක් පවතින බව සඳහන් කළ ඔහු වැඩිදුරටත් කියා සිටියේ සියලුම ප්රේක්ෂකයන් එහි පැමිණීමට පෙර කොවිඞ් එන්නත්කරණය ලබා සිටිය යුතු බවයි.
ඔලිම්පික් කමිටු ප්රධානියා මේ වනවිට ලබන වසරේ පැවැත්වෙන ඔලිම්පික් උළෙල පිළිබඳව සාකච්ඡා කිරීම සඳහා ටෝකියෝ නුවරට පැමිණ සිටිනවා.
මේ වසරේ ජූලි මාසයේ පැවැත්වීමට නියමිතව තිබූ ටෝකියෝ ඔලිම්පික් උලෙල ලබන වසරේ ජූලි මාසය දක්වා කල් දමනු ලැබූයේ කොරෝනා වෛරස් ගෝලීය වසංගතය හේතුවෙන්.
ඒ සඳහා රටවල් 200 ක පමණ ක්රීඩක ක්රීඩිකාවන් 11,000 කට වැඩි සංඛ්යාවක් සහභාගි වීමට නියමිතයි.
Share This Article