හුදෙකලා ප්රදේශවල හෙට සිට කටයුතු සිදුවෙන්නේ මෙහෙමයි
Sunday, 15 November 2020 - 19:09 | Views - 356
මරදාන, වේල්ල වීදිය, පිටකොටුව, කොටුව, කොම්පඤ්ඤ වීදිය සහ කැළණිය පොලිස් බලප්රදේශ හෙට (16) අලුයම සිට හුදකලා කෙරෙනවා.
ඒ අනුව හුදෙකලා කර ඇති සමස්ත පොලිස් බල ප්රදේශ ගණන 24ක් වන බවයි පොලිස් මාධ්ය ප්රකාශක නියෝජ්ය පොලිස්පති අජිත් රෝහණ පැවසුවේ.
මේ අතර කොළඹට පැමිණෙන සහ කොළඹින් පිටවන පොදු සහ පුද්ගලික ප්රවාහන සේවාවලට, හුදෙකලා කර ඇති ප්රදේශ වලින් මගීන් නංවා ගැනීම හෝ මගීන් බැස්සවීමට අවසර නොලැබෙන බවයි පොලිස් මාධ්ය ප්රකාශකවරයා වැඩිදුරටත් ප්රකශ කර සිටියේ.
කෙසේ වෙතත් හෙට (16) අලුයම සිට හුදකලා ප්රදේශ බවට පත්වන කොටුව, පිටකොටුව යන ප්රදේශ හරහා මගී ජනතාවට ගමන් කිරීමේ ගැටලුවක් නොමැති බවයි ඔහු පැවසුවේ.
කොළඹ අද (15) පැවති ප්රවෘත්ති සාකච්ඡාවක දී ඔහු මේ බව සඳහන් කළා.
Share This Article