දිවයිනම ආවරණය වන පරිදි නිවාස ව්යාපෘති රැසක වැඩ එකවර අරඹන්නැයි ජනපතිගෙන් උපදෙස්
Thursday, 12 November 2020 - 8:27 | Views - 473

දිවයිනේ ප්රදේශ ගණනාවක් ආවරණය වන පරිදි අඩු, මධ්යම සහ ඉහළ ආදායම්ලාභීන් වෙනුවෙන් නිවාස ව්යාපෘති රැසක වැඩ එකවර අරඹන ලෙස ජනාධිපති ගෝඨාභය රාජපක්ෂ ඉදිකිරීම් ක්ෂේත්රයේ ප්රමුඛයන්ට දැනුම් දුන්නා.
නව තාක්ෂණය සහ ක්රමවේද උපයෝගී කරගනිමින් නිර්මාණශීලී ලෙස සහ පරිසරය සුරකින අයුරින් ඉදිකිරීම් කටයුතු කඩිනම් කළ යුතු බවටයි උපදෙස් දී ඇත්තේ.
ඉදිකිරීම් ක්ෂේත්රයේ නිරත ආයතන 10 ක නිලධාරීන් සමඟ ජනාධිපති කාර්යාලයේ ඊයේ සාකච්ඡාවක් පැවැත්වුණා.
ඉදිරි තුන් වසර තුළ මධ්යම පාන්තිකයින් උදෙසා ඉදිකිරීමට අපේක්ෂිත නිවාස 15,000 ක්.
අඩු සහ ඉහළ මධ්යම ආදායම්ලාභීන්ගේද ඉල්ලුම සැපයෙන පරිදි සිව් වසරකදී නිවාස ඒකක 36,884ක් ඉදිකිරීමට රජය අපේක්ෂා කරනවා.
පෑලියගොඩ, කොළොන්නාව, බ්ලූමැන්ඩල්, කොට්ටාව - මාකුඹුර, කොට්ටාව - පළතුරුවත්ත, බොරලැස්ගමුව ආදී නගර කේන්ද්ර කරගනිමින් මෙහි පළමු අදියරයේ ව්යාපෘති ක්රියාත්මක කෙරෙනු ඇති.
ඊට අමතරව මාළඹේ, මහනුවර - ගැටඹේ සහ අනුරාධපුර නගර කේන්ද්ර කරගනිමින්ද මෙම ව්යාපෘති ක්රියාත්මක කරන බවයි ජනාධිපති මාධ්ය අංශය සඳහන් කළේ.
කොරෝනා වසංගතයට සාර්ථකව මුහුණදෙමින් නොනැවතී සියලු ක්රියාකාරකම් උපරිමයෙන් කරගෙන යාමේ අවශ්යතාවද ජනාධිපති ගෝඨාභය රාජපක්ෂ එහිදී පෙන්වා දුන්නා.
සියලු වැඩබිම් සෞඛ්ය නිර්දේශ පිළිපදිමින් ක්රියාත්මක කළ යුතු බවටයි ජනාධිපතිවරයා උපදෙස් ලබා දී ඇත්තේ.
Share This Article