පළමු වැන්නී මා වුවත් අවසන් තැනැත්තිය මම නෙමෙයි
Monday, 09 November 2020 - 9:19 | Views - 679
ඇමෙරිකා එක්සත් ජනපදයේ උප ජනාධිපති ධුරයට පත්වූ පළමු කාන්තාව තමන් වුවත් අවසන් තැනැත්තිය තමන් නොවන බව කමලා හැරිස් ඩෙලවෙයාර් ජනපදයේ විල්මින්ග්ටන්හිදීය පැවැසුවාය.

පනස් හය හැවිරිදි වියේ පසුවන කමලා හැරිස් ඇමෙරිකා එක්සත් ජනපදයේ උප ජනාධිපති ධුරයට පත්වීමෙන් පසු පළමු වරට සිය පාක්ෂිකයන් අමතමින් ඊයේ (8) එම කරුණු පැවැසූ අතර ඇයගේ කතාවට ජාත්‍යන්තර මාධ්‍යයේ විශේෂ තැනක් ද හිමි ව තිබිණි.

‘‘මේ තනතුරට පත් වූ පළමු කාන්තාව මම වෙන්න පුළුවන්. එහෙත් අවසන් තැනැත්තිය මම නෙමෙයි. අද මේ සියල්ල බලා සිටින පුංචි ගැහැනු දරුවකු මේ රටේ ඕනෑම දෙයකට ඉඩ තිබෙන බව දකිනවා’’ යැයි කමලා හැරිස් කීවාය.

කමලා හැරිස් සිය කතාව කරන අතරවාරයේදී එහි රැස්ව සිටින කාන්තාවන් සහ තරුණියන් කඳුළු හෙළු බව ද විදෙස් මාධ්‍ය වාර්තා කර තිබිණි.

සිය කතාවේදී කාන්තාවන්ට පූර්ණ ගෞරවය දුන් කමලා හැරිස් තම ජයග්‍රහණයට මාර්ගය සකස් කළේ කාන්තාවන් යැයි ද කීවාය. කමලා හැරිස් ඇමෙරිකාවට පැමිණි ජැමෙයිකානු සහ ඉන්දියානු සංක්‍රමණිකයන්ගේ දියණියකි.

සුදු ඇඳුමින් සැරැසී සිටි කමලා හැරිස් සිය කතාවේදී ඇමෙරිකාවේ කාන්තාවන්ට ඡන්ද අයිතිය දිනා දුන් සියලු දෙනා ද සිහිපත් කළාය.

‘‘අපේ ප්‍රජාතන්ත්‍රවාදය ආරක්ෂා කිරීමට මහන්සි වෙන්න වෙනවා. ඒක අරගලයක්. ඒ සඳහා කැපකිරීම් කරන්න අවශ්‍යයි. එහෙත් එහි විනෝදයක් ද තිබෙනවා. ඒ වගේම ප්‍රගතියක් තිබෙනවා. මොකද අපේ අනාගතය යහපත් කරන්න අපට බලය තිබෙනවා’’ යැයි කමලා හැරිස් කීවාය.

කමලා හැරිස් ඇමෙරිකානු රාජ්‍ය තන්ත්‍රයේ ඉහළම තැනකට පත්වූ පළමු කාන්තාව ලෙස ඉතිහාසයට එක්වනු ඇත.
Share This Article
Hiru Tv Blog
ඌරන් අතර අතිශය වේගයෙන් ව්‍යාප්ත විය හැකි...
Hiru Tv Blog
දිවයින පුරා දැනට පවතින වැසි සහිත කාලගුණික...
Hiru Tv Blog
අපේ රටේ කලා ක්ෂේත්‍රය තුළ තමන්ටම ආවේණික වූ රංගන හැකියාවකින් සහ සොඳුරු සිනාවකින්...
Hiru Tv Blog
කාංචනා අනුරාධි කියන්නේ ගායන ලෝකයේ ඉන්න අදරණිය ගායිකාවක්.එළිමහන් ප්‍රසංග වේදිකාවක...
Hiru Tv Blog
පුංචි තිරයෙන් මෙන්ම සමාජ මාධ්‍ය ඔස්සේ ලාංකේය ප්‍රේක්ෂක හදවත් දිනාගත් සුන්දර...
Hiru Tv Blog
ලොව පුරා මිලියන 430කට අධික පිරිසක් දෛනිකව භාවිතා කරන මයික්‍රොසොෆ්ට් (Microsoft) සමාගමේ...
Hiru Tv Blog
ඉන්දීය ප්‍රකෝටිපති ව්‍යාපාරිකයකු විසින් සංවර්ධනය කරනු ලබන, මොළයට රුධිරය ගලා...
Hiru Tv Blog
ටෙස්ලා ආයතනය විසින් පියාඹන හැකියාව සහිත බව පවසන නව මෝටර් රථයක් හඳුන්වා දීමට...

පුංචි අන්දරේ

අකුරට යන වෙලාවේ

දිවිතුරා

සංසාරිණී

රැල්ල වෙරළට ආදරෙයි

Hiru News

Top