නිරෝධායන කටයුතු අවසන් කර සිය නිවසට පැමිණ සිටි 29 හැවිරිදි තරුණයෙකු ජිවිතක්ෂයට
Thursday, 05 November 2020 - 12:05 | Views - 5,640
පුත්තලම - උඩප්පුව ප්රදේශයේදී දෙපිරිසක් අතර ඇති වූ ආරවුලකදී පහරදීමකින් තරුණයෙකු ජිවිතක්ෂයට පත්ව තිබෙනවා.
ඊයේ රාත්රියේ කිසියම් පිරිසක් තම සහෝදරයාට පහරදෙන බවට ලැබුණු තොරතුරක් මත මෙම තරුණයා එම ස්ථානයට ගොස් ඇති බවයි පොලීසිය සඳහන් කළේ.
එම ආරවුල සමතයකට පත් කිරීමට යාමේදී කිසියම් පුද්ගලයෙකු විසින් මොහුට පහරදී ඇති අතර, එහිදී බරපතල තුවාල ලැබූ මෙම තරුණයා උඩප්පුව ප්රාදේශීය රෝහලට ඇතුළත් කිරීමේදී ජීවිතක්ෂයට පත්වුණා.
මෙලෙස මියගොස් ඇත්තේ 29 හැවිරිදි තරුණයෙකු වන අතර ඔහු ඩුබායි හි රැකියාවක නිරතව සිට මෙරටට පැමිණ නිරෝධායන කටයුතු අවසන් කර සිය නිවස වෙත පැමිණ සිට ඇති බවයි පොලීසිය සඳහන් කළේ.
කෙසේ වෙතත් සිද්ධියට සම්බන්ධ සැකකරුවන් පලා ගොස් ඇති අතර ඔවුන් අත්අඩංගුවට ගැනීම සඳහා පොලීසිය පරීක්ෂණ ආරම්භ කර තිබෙනවා.
Share This Article