ලෝකයේ අවසානය පෙන්වන ඔරලෝසුව
Monday, 02 November 2020 - 15:32 | Views - 951
ලෝකයේ අවසානය හෙවත් මානව වර්ගයා මහා ව්‍යසනයකට කෙතරම් සමීපද යන්න නිරීක්ෂණය කිරීම පිණිස ඩූම්ස්ඩේ ඔරලෝසුව 1947දී නිර්මාණය කරන ලද්දේ පරමාණුක විද්‍යාඥයන් කණ්ඩායමක් විසිනි.

මෙම ඔරලෝසුව දැන් වෙන කවරදාටත් වඩා මධ්‍යම රාත්‍රියට ආසන්නව ඇති හෙයින්, ලෝකය විනාශ වීම වැළැක්වීම සඳහා අප ගන්නා උත්සාහයන් වේගවත් කළ යුතු බව භෞතික විද්‍යාඥයෝ කියා සිටිති.

යුද්ධමය, දේශපාලනමය හා පාරිසරික වශයෙන් ගෝලීය තත්ත්වය නරක අතට හැරීම හෝ වැඩිදියුණු වීම මත වසර ගණනාවක් තිස්සේ පසුපසට හා ඉදිරියට ඔරලෝසුවේ කටු ගමන් කර ඇත.

නමුත් පසුගිය ජනවාරි 23 දින ඔරලෝසුව එහි අවුරුදු 73ක ජීවිත කාලය තුළ වෙන කවරදාටත් වඩා මධ්‍යම රාත්‍රියට ආසන්නයට ගෙන යනු ලැබිණි. එහි අර්ථය අප මහා විනාශය ආසන්නයට පැමිණ සිටින බවයි.

ඩූම්ස්ඩේ ඔරලෝසුව වාර්ෂිකව නැවත සකස් කිරීම ප්‍රධාන මාධ්‍ය සිදුවීමක් වන අතර එය ලොව පුරා දේශපාලනඥයන්, ප්‍රතිපත්ති සම්පාදකයන් සහ විචාරකයන් සඳහා ඉඟියක් සපයයි.

දෙවැනි ලෝක සංග්‍රාමයෙන් පසු මෙම ඔරලෝසුව නිර්මාණය කිරීම සිදු වූයේ චිකාගෝ විශ්වවිද්‍යාලයේ භෞතික විද්‍යාඥයන් දෙදෙනකු වන Eugene Rabinowitch සහ Hyman Goldsmith ප්‍රමුඛ භෞතික විද්‍යාඥයන්ගේ මූලිකත්වයෙනි.

1945 අගෝස්තු මාසයේදී එක්සත් ජනපදය විසින් හිරෝෂිමා සහ නාගසාකි වෙත හෙළන ලද පරමාණු බෝම්බ නිපදවූ මෑන්හැටන් ව්‍යාපෘතියට සහභාගි වූ පිරිස අතර ඔවුන් ද විය.

2020 වර්ෂයට පෙර ඩූම්ස්ඩේ ඔරලෝසුව මධ්‍යම රාත්‍රියට වඩාත් ආසන්න වූයේ 1953 වසරේදීය. ලෝකයේ අවසානය පිළිබඳ සඳහන් කරන බයිබලය, ඒ යුගය හඳුනාගැනීමට ඉවහල් වන ලක්ෂණ ගණනාවක් මතෙව් 24 පරිච්ඡේදයේ සඳහන් කර ඇත. අපි දැන් ඒවා අත්දකිමින් සිටිමු.


උපුටාගැනීම මව්බිම පුවත්පතෙනි
Share This Article
Hiru Tv Blog
ඌරන් අතර අතිශය වේගයෙන් ව්‍යාප්ත විය හැකි...
Hiru Tv Blog
දිවයින පුරා දැනට පවතින වැසි සහිත කාලගුණික...
Hiru Tv Blog
අපේ රටේ කලා ක්ෂේත්‍රය තුළ තමන්ටම ආවේණික වූ රංගන හැකියාවකින් සහ සොඳුරු සිනාවකින්...
Hiru Tv Blog
කාංචනා අනුරාධි කියන්නේ ගායන ලෝකයේ ඉන්න අදරණිය ගායිකාවක්.එළිමහන් ප්‍රසංග වේදිකාවක...
Hiru Tv Blog
පුංචි තිරයෙන් මෙන්ම සමාජ මාධ්‍ය ඔස්සේ ලාංකේය ප්‍රේක්ෂක හදවත් දිනාගත් සුන්දර...
Hiru Tv Blog
ලොව පුරා මිලියන 430කට අධික පිරිසක් දෛනිකව භාවිතා කරන මයික්‍රොසොෆ්ට් (Microsoft) සමාගමේ...
Hiru Tv Blog
ඉන්දීය ප්‍රකෝටිපති ව්‍යාපාරිකයකු විසින් සංවර්ධනය කරනු ලබන, මොළයට රුධිරය ගලා...
Hiru Tv Blog
ටෙස්ලා ආයතනය විසින් පියාඹන හැකියාව සහිත බව පවසන නව මෝටර් රථයක් හඳුන්වා දීමට...

පුංචි අන්දරේ

අකුරට යන වෙලාවේ

දිවිතුරා

සංසාරිණී

රැල්ල වෙරළට ආදරෙයි

Hiru News

Top