කොරෝනා ආශ්‍රිත සිසුවියගේ විභාග අධීක්ෂණය ගුරුන් බෑ කියද්දි ,එහි වගකීම ගත් ගුරුවරිය
Wednesday, 28 October 2020 - 8:49 | Views - 544
කොරෝනා අසාදිතයෙකුගේ තෙවැනි පාර්ශවයේ දුරස්ථ ආශ්‍රිතයෙකු වන ශිෂ්‍යාවක් මෙවර අධ්‍යයන පොදු සහතික පත්‍ර උසස් පෙළ විභාගය සඳහා පෙනී සිටීමට ගිය අවස්ථාවේදී මෙම ශිෂ්‍යාවගේ විභාග අධීක්ෂණය ගුරු භවතුන් ප්‍රතික්ෂේප කර ඇති අතර එම අවස්ථාවේදි එක් ගුරුවරියක් පමණක් ඉදිරිපත් වීමේ පුවතක් අම්බලන්ගොඩ ධර්මාශෝක විදුහල් විභාග ශාලාවෙන් වාර්තා වනවා.
 
මෙම ශිෂ්‍යාවගේ විභාග අයිතිය ආරක්ෂා කරදීමට නිර්භයව ඉදිරිපත් වූ අම්බලන්ගොඩ පොල්වත්ත බුද්ධදත්ත ආදර්ශ විද්‍යාලයේ ඒ. කේ. පී. ජයන්ති මහත්මියයි.

කරන්දෙණිය මහගොඩ එපිටකොන ප්‍රදේශයේ පදිංචි වාරායේ සේවකයෙකු කොරෝනා ආසාදිතයෙකු වීමත් සමඟම ඔහු ගොස් ඇතැයි කියන වෙළඳසැලකට මේ ශිෂ්‍යාව යාම නිසා ඇය කොරෝනා ආසාදිතයෙකුගේ තෙවැනි පාර්ශවයේ තෙවැනි දුරස්ථ ආසාදිතයෙකු ලෙස සෞඛ්‍ය අංශ හඳුනා ගෙන තිබුණා.
 
මෙවර උසස් පෙළ විභාගයට පෙනී සිටින මෙම ශිෂ්‍යාව තමාගේ විභාග මධ්‍යස්ථානය වන අම්බලන්ගොඩ ධර්මාශෝක විද්‍යාලයට විභාගය ලිවීමට ගිය අවස්ථාවේ ගුරු සිසුන් අතර නොසන්සුන්තාවක් හටගෙන ඇති අතර ඒ නොසන්සුන් තාවය සමථයකට පත් කිරීමට කරන්දෙණිය සෞඛ්‍ය වෛද්‍ය නිලධාරි කාර්යාලයද මැදිහත් වී තිබෙනවා.
 
එය සමථයකට පත්වීමෙන් පසු හුදකලා කාමරයක විභාගය ලිවීමට තීරණය වූ මෙම සිසුවිය අධීක්ෂණය කිරීමට ධර්මාශෝක විද්‍යාලයේ නොවන ගුරු භවතකු සොයා ගැනීම දුෂ්කර කාර්යයක් වුයේ ඇයව අධීක්ෂණය කිරීම ගුරු භවතුන් ප්‍රතික්ෂේප කිරීම නිසයි.
 
මෙය උග්‍ර ගැටලුවක් බවට පරිවර්තනය වෙමින් පැවති අවස්ථාවේදී මේ ශිෂ්‍යාවගේ විභාග අයිතිය රැකදෙමින් අම්බලන්ගොඩ බුද්ධදත්ත ආදර්ශ විද්‍යාලයේ ඒ. කේ. පී. ජයන්ති මහත්මිය එයට එක් වුනා.
 
මෙම ගුරුවරියගේ ක්‍රියාව සියැසින් දුටු අම්බලන්ගොඩ ධර්මාශෝක විදුහලේ විදුහල්පති හසිර කේෂර මහතා රණවිරුවන්, සුව විරුවන් ගැන කතා කරන අවධියක ගුරු විරුවරියක බිහිවීම ඉතා අගය කරන බවත්, මේ ගුරුවරියට සමස්ථ ධර්මාශෝක විදුහල් ප්‍රජාවගේ ආචාරය පිරිනමන බවත් සඳහන් කරමින් ධර්මාශෝක විදුහල් මුහුණු පොතේ සටහනක් ද තබා තිබුණා.
 
කරන්දෙණිය - එම්. සුසිල් ප්‍රියන්ත විසින් ලියූ ලිපියකි.
Share This Article
Hiru Tv Blog
ඌරන් අතර අතිශය වේගයෙන් ව්‍යාප්ත විය හැකි...
Hiru Tv Blog
දිවයින පුරා දැනට පවතින වැසි සහිත කාලගුණික...
Hiru Tv Blog
අපේ රටේ කලා ක්ෂේත්‍රය තුළ තමන්ටම ආවේණික වූ රංගන හැකියාවකින් සහ සොඳුරු සිනාවකින්...
Hiru Tv Blog
කාංචනා අනුරාධි කියන්නේ ගායන ලෝකයේ ඉන්න අදරණිය ගායිකාවක්.එළිමහන් ප්‍රසංග වේදිකාවක...
Hiru Tv Blog
පුංචි තිරයෙන් මෙන්ම සමාජ මාධ්‍ය ඔස්සේ ලාංකේය ප්‍රේක්ෂක හදවත් දිනාගත් සුන්දර...
Hiru Tv Blog
ලොව පුරා මිලියන 430කට අධික පිරිසක් දෛනිකව භාවිතා කරන මයික්‍රොසොෆ්ට් (Microsoft) සමාගමේ...
Hiru Tv Blog
ඉන්දීය ප්‍රකෝටිපති ව්‍යාපාරිකයකු විසින් සංවර්ධනය කරනු ලබන, මොළයට රුධිරය ගලා...
Hiru Tv Blog
ටෙස්ලා ආයතනය විසින් පියාඹන හැකියාව සහිත බව පවසන නව මෝටර් රථයක් හඳුන්වා දීමට...

පුංචි අන්දරේ

අකුරට යන වෙලාවේ

දිවිතුරා

සංසාරිණී

රැල්ල වෙරළට ආදරෙයි

Hiru News

Top