ලෝක සෞඛ්‍ය සංවිධානය හදිසියේම කළ අනතුරු ඇඟවීම
Saturday, 24 October 2020 - 10:07 | Views - 737
ලෝකය තීරණාත්මක සංධිස්ථානයක, රටවල් රැසක් අනතුරුදායක ගමන් මඟක - ලෝක සෞඛ්‍ය සංවිධානය අනතුරු අඟවයි

කොවිඩ් 19 ගෝලීය වසංගත තත්ත්වය තුළ ලෝකය මේ වනවිට තීරණාත්මක සංධිස්ථානයකට පැමිණ ඇති බව ලෝක සෞඛ්‍ය සංවිධානය පවසනවා.

එහි අධ්‍යක්ෂ ජනරාල් ටෙඩ්‍රොස් ජිනීවා නුවරදී ඊයේ ප්‍රකාශ කළේ ඇතැම් රටවල් එහිදී අනතුරුදායක ගමන් මඟකට යොමු වී ඇති බවයි.

විශේෂයෙන් උතුරු අර්ධ ගෝලයේ රටවල් එම තත්ත්වයට මුහුණදෙන බවයි ඔහු සඳහන් කළේ.

ඉදිරි මාස කිහිපය ඇතැම් රටවලට අතිශය දුෂ්කර මෙන්ම අනතුරුදායක විය හැකියි.

මේ නිසා අනවශ්‍ය ලෙස තවදුරටත් ජීවිත හානි සිදුවීම, සෞඛ්‍ය සේවා අඩාල වීම සහ පාසල් ආදිය වසා දැමීම වැළැක්වීමට වහා පියවර ගන්නා ලෙස සියලු නායකයන්ගෙන් ඉල්ලා සිටින බවයි ලෝක සෞඛ්‍ය සංවිධානයේ ප්‍රධානියා අවධාරණය කළේ.

එමෙන්ම, මෙය පෙරහුරුවක් ලෙස නොසලකන ලෙසද ඔහු සිහිපත් කළා.

වෛරසය ඉක්මනින් ව්‍යාප්ත වීම සීමා කිරීම සඳහා පියවර ගත යුතුයි.

ඒ සඳහා පරීක්ෂා කිරීම් වැඩි දියුණු කළ යුතු අතර, ආසාදිත පුද්ගලයින් සහ ආශ්‍රිතයින් හඳුනාගෙන හුදෙකලා කිරීම අත්‍යවශ්‍ය කරුණක්.

එම පියවර තුළින් කොරෝනා වසංගතය නිසා රටවල් තවදුරටත් වසා දැමීම වළක්වා ගත හැකි බව ලෝක සෞඛ්‍ය සංවිධානයේ ප්‍රධානියා සඳහන් කළා.

යුරෝපයේ රටවල් කිහිපයකම පළමු කොරෝනා රැල්ලට වඩා වැඩි ආසාදිතයින් සංඛ්‍යාවක් දෙවන රැල්ල තුළින් වාර්තා වනවා.

ස්පාඤ්ඤයේ පමණක් ආසාදිත සංඛ්‍යාව මේ වනවිට මිලියන 03 කට අධිකයි.

ප්‍රංශය එරට මිලියන 46 ක් ජනතාවට බලපාන පරිදි ඇඳිරි නීතිය පැනවීමට කටයුතු කළා.

මෙලෙස කොවිඩ් 19 ආසාදිතයින් සංඛ්‍යාව සීඝ්‍රයෙන් ඉහළ යෑම එම රටවල මහජන සෞඛ්‍ය සේවාවන් තර්ජනයට ලක් කරන අතර, එය දැඩි සැලකිල්ලක් යොමුකළ යුතු වසංගත රෝග තත්ත්වයක් ලෙස ලෝක සෞඛ්‍ය සංවිධානයේ ප්‍රධානියා හැඳින්වූවා.
Share This Article
Hiru Tv Blog
ඌරන් අතර අතිශය වේගයෙන් ව්‍යාප්ත විය හැකි...
Hiru Tv Blog
දිවයින පුරා දැනට පවතින වැසි සහිත කාලගුණික...
Hiru Tv Blog
අපේ රටේ කලා ක්ෂේත්‍රය තුළ තමන්ටම ආවේණික වූ රංගන හැකියාවකින් සහ සොඳුරු සිනාවකින්...
Hiru Tv Blog
කාංචනා අනුරාධි කියන්නේ ගායන ලෝකයේ ඉන්න අදරණිය ගායිකාවක්.එළිමහන් ප්‍රසංග වේදිකාවක...
Hiru Tv Blog
පුංචි තිරයෙන් මෙන්ම සමාජ මාධ්‍ය ඔස්සේ ලාංකේය ප්‍රේක්ෂක හදවත් දිනාගත් සුන්දර...
Hiru Tv Blog
ලොව පුරා මිලියන 430කට අධික පිරිසක් දෛනිකව භාවිතා කරන මයික්‍රොසොෆ්ට් (Microsoft) සමාගමේ...
Hiru Tv Blog
ඉන්දීය ප්‍රකෝටිපති ව්‍යාපාරිකයකු විසින් සංවර්ධනය කරනු ලබන, මොළයට රුධිරය ගලා...
Hiru Tv Blog
ටෙස්ලා ආයතනය විසින් පියාඹන හැකියාව සහිත බව පවසන නව මෝටර් රථයක් හඳුන්වා දීමට...

පුංචි අන්දරේ

අකුරට යන වෙලාවේ

දිවිතුරා

සංසාරිණී

රැල්ල වෙරළට ආදරෙයි

Hiru News

Top