රිෂාඩ් බදියුදීන් අත්අඩංගුවට
Monday, 19 October 2020 - 8:16 | Views - 1,211
දින 6 ක් තිස්සේ පොලිසිය මගහරිමින් සිටි පාර්ලිමේන්තු මන්ත්‍රී රිෂාඩ් බදියුදීන් දෙහිවලදී අපරාධ පරීක්ෂණ දෙපාර්තමේන්තුවේ නිලධාරීන් අත්අඩංගුවට ගෙන තිබෙනවා.

එම දෙපාර්තමේන්තුවේ වානිජ අපරාධ විමර්ශන අංක දෙක අංශයේ නිලධාරීන් විසින් අද අලුයම මෙම අත්අඩංගුවට ගැනීම සිදුකර ඇති බවයි වාර්තාවන්නේ.

මොහු මේි වනවිට අපරාධ පරීක්ෂණ දෙපාර්තමේන්තු මූලස්ථානයට රැගෙන විත් ඇති බවද එම වාර්තා ප්‍රකාශ කළා.

නැවත පදිංචිකිරීමේ අමාත්‍යවරයාව සිටියදී පසුගිය ජනාධිපතිවරණය පැවති දිනයේ අවතැන් වූ ඡන්දදායකයින් මන්නාරම ප්‍රදේශයට ලංගම බස් රථවලින් ප්‍රවාහනය කිරීම තුළින් මහජන දේපළ සාපරාධී ලෙස අවභාවිතා කිරීම සහ මැතිවරණ නීති උල්ලංගණය කිරීමේ චෝදනා මත පාර්ලිමේන්තු මන්ත්‍රීවරයා ඇතුළු තුන්දෙනෙකු අත්අඩංගුවට ගන්නා ලෙස නීතිපතිවරයා පොලිසියට නියෝග කර තිබුණේ පසුගිය 14 වනදායි.

ඒ අනුව මන්ත්‍රිවරයා අත්අඩංගුවට ගැනීම සඳහා පොලිස් කණ්ඩායම් හයක් විමර්ශන ක්‍රියාත්මක කළ අතර, ඔහුගේ කොළඹ සහ මන්නාරමේ පිහිටි නිවෙස්වලට විමර්ශන නිලධාරීන් ගියද ඔහු එම නිවෙස්වල සිටියේ නැහැ.

පසුව මෙම සිද්ධිය සම්බන්ධයෙන් කාලීන අවතැන්වූ පුද්ගලයින් නැවත පදිංචිකරීමේ ව්‍යාපෘතියේ ගණකාධිකාරීවරයාව සිටි අලගරත්නම් මනෝරන්ජන් සහ රිෂාඩ් බදියුදීන්ගේ පාර්ලිමේන්තු මන්ත්‍රීවරයාගේ රියදුරන් දෙදෙනෙකු පසුගිය 13 සහ 14 යන දෙදින තුළ අත්අඩංගුවට ගෙන පසුව  රක්ෂිත බන්ධනාගාර ගත කරනු ලැබුවා.

ඒ වනවිටත් පොලිසියට හිටපු අමාත්‍ය රිෂාඞ් බදියුදීන් සොයාගැනීමට හැකියාව ලැබුණේ නැහැ.

කෙසේ වෙතත් රිෂාඩ් බදියුදීන් හිටපු අමාත්‍යවරයා සම්බන්ධයෙන් ඔහුගේ බිරිඳගෙන් සී.අයි.ඩීය ප්‍රකාශයක් ලබාගෙන තිබුණේ පසුගිය 15 වනදායි.

පසුව රිෂාඩ් බදියුදීන් මන්ත්‍රීවරයා සමඟ ඇතිවූ සංවාදයක් සම්බන්ධයෙන් විපක්ෂ නායක සජිත් ප්‍රේමදාසගෙන් පසුගිය 16 වනදා ප්‍රශ්ණ කර තිබුණා.

ඊට අමතරව හිටපු අමාත්‍ය රවුෆ් හකීම්ගෙන් ද සී.අයි.ඩීය ප්‍රකාශයක් ලබාගත්තා.

මේ අතර , තමන් අත්අඩංගුවට ගැනීම වළක්වාලන නියෝගයක් නිකුත් කරන ලෙස ඉල්ලා පාර්ලිමේන්තු මන්ත්‍රී රිෂාඩ් බදියුදීන් ඉදිරිපත් කළ රිට් පෙත්සම හෙට අභියාචනාධිකරණයේදී සළකා බැලීමට නියමිතයි.


Share This Article
Hiru Tv Blog
ඌරන් අතර අතිශය වේගයෙන් ව්‍යාප්ත විය හැකි...
Hiru Tv Blog
දිවයින පුරා දැනට පවතින වැසි සහිත කාලගුණික...
Hiru Tv Blog
අපේ රටේ කලා ක්ෂේත්‍රය තුළ තමන්ටම ආවේණික වූ රංගන හැකියාවකින් සහ සොඳුරු සිනාවකින්...
Hiru Tv Blog
කාංචනා අනුරාධි කියන්නේ ගායන ලෝකයේ ඉන්න අදරණිය ගායිකාවක්.එළිමහන් ප්‍රසංග වේදිකාවක...
Hiru Tv Blog
පුංචි තිරයෙන් මෙන්ම සමාජ මාධ්‍ය ඔස්සේ ලාංකේය ප්‍රේක්ෂක හදවත් දිනාගත් සුන්දර...
Hiru Tv Blog
ලොව පුරා මිලියන 430කට අධික පිරිසක් දෛනිකව භාවිතා කරන මයික්‍රොසොෆ්ට් (Microsoft) සමාගමේ...
Hiru Tv Blog
ඉන්දීය ප්‍රකෝටිපති ව්‍යාපාරිකයකු විසින් සංවර්ධනය කරනු ලබන, මොළයට රුධිරය ගලා...
Hiru Tv Blog
ටෙස්ලා ආයතනය විසින් පියාඹන හැකියාව සහිත බව පවසන නව මෝටර් රථයක් හඳුන්වා දීමට...

පුංචි අන්දරේ

අකුරට යන වෙලාවේ

දිවිතුරා

සංසාරිණී

රැල්ල වෙරළට ආදරෙයි

Hiru News

Top