අධිවේගී යතුරුපැදි දෙකක් පානදුර උතුර පොලිස්ථානාධිපතිගේ ජීප් රථයේ ගැටේ
Thursday, 15 October 2020 - 9:23 | Views - 603
පානදුර - හේනමුල්ල ප්රදේශයේදී අධික වේගයෙන් ගමන් කළ යතුරුපැදි දෙකක් පානදුර - උතුර පොලිස් ස්ථානාධිපතිවරයා ගමන් කළ ජීප් රථයේ ගැටීමෙන් පොලිස් ස්ථානාධිපති ඇතුළු තිදෙනෙකු තුවාල ලබා කොළඹ ජාතික රෝහලට ඇතුළත් කර තිබෙනවා.
පොලීසිය සඳහන් කළේ ඊයේ රාත්රියේ සිදුවූ මෙම අනතුරින් තුවාල ලැබූ අය අතර යතුරුපැදිකරුවන් දෙදෙනා ද වන බවයි.
අධික වේගයෙන් ගමන් කළ යතුරුපැදි දෙක පොලිස් ස්ථානාධිපතිවරයා ගමන් කළ ජීප් රථයේ ගැටීමත් සමඟ එය මාර්ගයෙන් ඉවතට පැන තිබෙනවා.
පසුව තුවාල ලැබූ පොලිස් ස්ථානාධිපතිවරයා සහ යතුරුපැදිකරුවන් දෙදෙනා පානදුර මූලික රෝහලට ඇතුළත් කිරීමෙන් අනතුරුව වැඩිදුර ප්රතිකාර සඳහා කොළඹ ජාතික රෝහලට මාරු කර යැවුණා.
Share This Article