රිෂාඩ් බදියුදීන්ගේ ආරක්ෂක නිලධාරියා පොලිස් අත්අඩංගුවට
Wednesday, 14 October 2020 - 17:02 | Views - 860
හිටපු අමාත්ය රිෂාඩ් බදියුදීන්ගේ ආරක්ෂක නිලධාරියා ලෙස සිටි පොලිස් නිලධාරියෙකු පොලිසිය විසින් අත්අඩංගුවට ගෙන තිබෙනවා.
ඔහු ඊයේ දිනයේ වැල්ලවත්ත ප්රදේශයේදී අත්අඩංගුවට ගත් බවයි පොලිස් මාධ්ය ප්රකාශක නියෝජ්ය පොලිස්පති අජිත් රෝහණ ප්රකාශ කළා.
එහිදී ඔහුට අයත් බවට සැක සුඛෝපභෝගී රථ දෙකක්ද පොලිස් භාරයට ගෙන ඇති බවයි පොලිස් මාධ්ය ප්රකාශකවරයා එහිදී සඳහන් කළේ.
පසුව සිදුකළ සෝදිසි කිරීම්වළදී අදාළ මෝටර් රථ දෙකේ තිබී ගිනි අවි දෙකක්,මැගසින් 4ක් සහ පතොරම් 48ක් ද හමුවී තිබෙනවා.
ඒවා කවරෙකුට අයත් ද යන්න පිළිබඳව වැඩිදුර විමර්ශන ආරම්භ කර ඇති බවයි නියෝජ්ය පොලිස්පති අජිත් රෝහණ වැඩිදුරටත් ප්රකාශ කළේ.
Share This Article