අධිකරණයට භාර වූ පාඨලීගේ රියදුරු මුදා හරී
Monday, 05 October 2020 - 13:13 | Views - 258
මෝසමක් මාර්ගයෙන් අධිකරණයට ඉදිරිපත් වූ හිටපු අමාත්ය පාඨලී චම්පික රණවකගේ රියදුරු දිලුම් තුසිත කුමාර රුපියල් ලක්ෂ 4ක පෞද්ගලික බැදුම්කරයක් මත මුදා හැරීමට කොළඹ මහාධිකරණ විනිසුරු දමිත් තොටවත්ත අද නියෝග කළා.
2016 වසරේ රාජගිරිය ප්රදේශයේදී තරුණයෙකු රිය අනතුරකට භාජනය කිරීමේ සිද්ධිය සම්බන්ධයෙන් ගොනු කර ඇති නඩුවට අදාලව කොළඹ මහාධිකරණය හමුවේ පෙනී නොසිටීම හේතුවෙන් ඔහුව අත්අඩංගුවට ගන්නා ලෙස වරෙන්තු නිකුත් කරනු ලැබුවේ පසුගිය මස 29 වනදායි.
එමෙන්ම අදාළ සිද්ධිය සම්බන්ධයෙන් හිටපු අමාත්ය පාඨලී චම්පික රණවක, ඔහුගේ රියදුරු සහ වැලිකඩ පොලීසියේ හිටපු ස්ථානාධිපතිවරයාට විදෙස් ගමන් තහනමක් ද කොළඹ මහාධිකරණය මේ වනවිට පනවා තිබෙනවා.
Share This Article