අභාවප්රාප්ත ජනප්රිය ප්රහසන රංගන ශිල්පී ටෙනිසන් කුරේ මහතාගේ දේහයට අවසන් ගෞරව දැක්වීම සඳහා මොරටුව ප්රදේශයේ පිහිටි ඔහුගේ නිවසට කලාකරුවන් සහ දේශපාලනඥයන් ඇතුළු විශාල පිරිසක් පැමිණියා.
කලක් තිස්සේ මෙරට රසික ජනයා පිනවූ බන්දු-ටෙනී සුසංයෝගයට නොසිතූ මොහොතක නිමාව තැබීමට නොහැකිව සංවේදී වූ බන්දු සමරසිංහ මහතා ටෙනිසන් කුරේ මහතාගේ දේහයට අවසන් ගෞරව දැක්වීම සියල්ලන් සංවේදී කළා.
එම අවස්ථාව පහතින්.
ටෙනිසන් කුරේගේ දේහය පිළිබඳ අවසන් කටයුතු හෙට සිදුකිරීමට නියමිතයි. ඒ, මොරටුමුල්ල මෙතෝදිස්ත දේවස්ථාන සුසාන භූමියේදියි. හදිසි රෝගී තත්ත්වයක් හේතුවෙන් කොළඹ ජාතික රෝහලේ ප්රතිකාර ලබමින් සිටියදි පෙරේදා අභාවප්රාප්ත වන විට ඔහු 68 වන වියේ පසුවුණා. 1986 තිරගතවූ පෙරළිකාරයෝ චිත්රපටයට එක්වෙමින් සිය කලා චාරිකාව ඇරඹූ ටෙනී නමින් සිනමා ලෝලීන් අතර ජනාදරයට පත්වුණා. ටෙනිසන් කුරේ හිරු මාධ්ය ජාලය සමඟත් අතිශය සමීප සබඳතා පැවැත්වූ නිහතමානී කලාකරුවෙක්. මේ අතර ජනාධිපති ගෝඨාභය රාජපක්ෂ ද ඔහුගේ අභාවය සම්බන්ධයෙන් සිය ට්විටර් ගිණුමේ ඊයේ සටහනක් තබමින් කියා සිටියේ මිනිසුන් සතුටු කිරීම ඔහු සතු දක්ෂතාවක් නිසා සැමදා ඔහු සිහිපත් වනු ඇති බවයි. එමෙන්ම අග්රාමාත්ය මහින්ද රාජපක්ෂ ද සිය ට්විටර් ගිණුමේ සටහනක් තබමින් කියා සිටියේ සියලුදෙනා සිනාසෙන මිනිසා ලෙස ඔහුව ආදරයෙන් සිහිපත් කරනු ඇති බවයි.
එසේම සිය මිතුරා පිළිබඳ බන්දු සමරසිංහ සිය ෆේස්බුක් ගිණුමේ සංවේදී සටහනක්ද තබාතිබුණා.