පුතේ 2021 අවුරුද්දට අපේ ඉස්කෝලෙට එකතුවෙන්න ඔයා ඉල්ලුම් කළ ගැන අපි ගොඩක් සතුටු වෙනවා- විදුහල්පති දැරියකට යැවූ ලිපිය ගැන ඇත්ත හෙළිවෙයි
Thursday, 24 September 2020 - 10:05 | Views - 1,506
ලබන වසරේ පාසලක පළමු ශ්‍රේණියට ඇතුළත්වීමට සිටින දැරියකට පාසලෙන් අපූරු ලිපියක් ලැබී තිබුණා.

ගලෙන්බිඳුණුවැව - ආසිරිගම - නාමල්පුර ප්‍රදේශයේ පදිංචි දැරියකට මෙම ලිපිය යොමුකර ඇත්තේ කැකිරාව - පළුගස්දමන - පුස්දිවුල්වැව විද්‍යාලයේ විදුහල්පති ඩී.එම්.ජී.එස්.ඒ. බණ්ඩාරයි.

සමාජ මාධ්‍යට එක්වුණු මෙම ලිපිය ගැන අපි අවධානය යොමු කළේ ඒ තුළ සැඟවුණු සොඳුරු කතාවක් බලාපොරොත්තුවෙන් නොවේ.

පාසල්වල පළමු ශ්‍රේණියට තම දරුවා ඇතුල් කිරීම සඳහා දෙමව්පියන් අතර අදටත් පවතින්නේ දැඩි තරඟයක්.

ඒ සඳහා අල්ලස් ලබාගන්නා විදුහල්පතිවරුන්ද නැතුවාම නොවේ.

එවැනි වකවානුවක පාසලට ඇතුළත්වීමට නියමිත දරුවන් වෙනුවෙන් මෙවන් ලිපියක් යොමුකළ කැකිරාව - පළුගස්දමන - පුස්දිවුල්වැව විද්‍යාලයේ විදුහල්පති ඩී.එම්.ජී.එස්.ඒ. බණ්ඩාරගෙන් හිරු ප්‍රවෘත්ති අංශය ඊට හේතු විමසා සිටියා.

ඔහු කියා සිටියේ ඉතා දුෂ්කර පාසලට දරුවන් ආකර්ශනය කර ගැනීම සඳහා මෙලෙස කටයුතු කළ බවයි.

අති දුෂ්කර පාසලක් වන මෙහි ළමයින් 118 දෙනෙකු ඉගෙනුම ලබනවා.

මෙවර එහි පළමු ශ්‍රේණියට අයදුම්පත් ලැබී තිබුණේ දරුවන් 11 දෙනෙකු වෙනුවෙන් පමණයි.

විදුහල්පතිවරයා මාතලේ - නාවුල සිට යතුරුපැදියෙන් පාසලට පැමිණෙන්නේ කිලෝමීටර් 70ක් දුර ගෙවමින්. යාමට ඒමට කිලෝමීටර් 140 ක්.

මෙය සීමිත දරු පිරිසකට සොඳුරු පාසලක් බිහි කරන්නට දරන පුංචි උත්සාහයක් වූවත්, එහි අගය වඩා වටින්නේ දරුවන් වෙනුවෙන් ජනප්‍රිය පාසල් සොයන්නට යන තරඟය අද බරපතල සමාජ ප්‍රශ්නයක් බවට පත්ව තිබීම නිසාවෙන්.

පංති පහේ පාසලකට අයදුම්පත් දහස් ගණනක් ලැබෙන සමාජයක දරුවන් වෙනුවෙන් බලා සිටින පාසල් තවත් කොපමණ මේ රටේ විසිරී ඇත්ද ?


Share This Article
Hiru Tv Blog
ඌරන් අතර අතිශය වේගයෙන් ව්‍යාප්ත විය හැකි...
Hiru Tv Blog
දිවයින පුරා දැනට පවතින වැසි සහිත කාලගුණික...
Hiru Tv Blog
අපේ රටේ කලා ක්ෂේත්‍රය තුළ තමන්ටම ආවේණික වූ රංගන හැකියාවකින් සහ සොඳුරු සිනාවකින්...
Hiru Tv Blog
කාංචනා අනුරාධි කියන්නේ ගායන ලෝකයේ ඉන්න අදරණිය ගායිකාවක්.එළිමහන් ප්‍රසංග වේදිකාවක...
Hiru Tv Blog
පුංචි තිරයෙන් මෙන්ම සමාජ මාධ්‍ය ඔස්සේ ලාංකේය ප්‍රේක්ෂක හදවත් දිනාගත් සුන්දර...
Hiru Tv Blog
ලොව පුරා මිලියන 430කට අධික පිරිසක් දෛනිකව භාවිතා කරන මයික්‍රොසොෆ්ට් (Microsoft) සමාගමේ...
Hiru Tv Blog
ඉන්දීය ප්‍රකෝටිපති ව්‍යාපාරිකයකු විසින් සංවර්ධනය කරනු ලබන, මොළයට රුධිරය ගලා...
Hiru Tv Blog
ටෙස්ලා ආයතනය විසින් පියාඹන හැකියාව සහිත බව පවසන නව මෝටර් රථයක් හඳුන්වා දීමට...

පුංචි අන්දරේ

අකුරට යන වෙලාවේ

දිවිතුරා

සංසාරිණී

රැල්ල වෙරළට ආදරෙයි

Hiru News

Top