හිසට වෙඩි තබා කොටියෙක් ඝාතනය කරයි (ඡායාරූප)
Tuesday, 22 September 2020 - 19:18 | Views - 566
හිසට වෙඩි තබා ඝාතනය කළ කොටියෙක්ගේ සිරුරක් මස්කෙලිය - බ්රවුන්ලෝ වතුයායේ තිබී සොයාගෙන තිබෙනවා.වතු කම්කරුවන් විසින් ලබාදුන් තොරතුරකට අනුව එය සොයාගෙන ඇති අතර, සිද්ධියට වගකිව යුතු පුද්ගලයින් සොයා විමර්ශනයක් ආරම්භ කර ඇති බවයි නල්ලතන්නිය වනජීවි කාර්යාලය සඳහන් කළේ.අවුරුදු 06 ක් පමණ වයසැති කොටියාගේ හිසේ උණ්ඩ 03 ක සලකුණු ඇති බව නල්ලතන්නිය වනජීවි කාර්යාලයේ වන සත්ව ආරක්ෂක ප්රභාෂ් කරුණාතිලක කියා සිටියා.සිද්ධිය සම්බන්ධයෙන් හැටන් මහේස්ත්රාත් අධිකරණයට කරුණු වාර්තා කර ඇති අතර, සිරුර පශ්චාත් මරණ පරීක්ෂණය සඳහා රන්දෙනිගල පශු වෛද්ය රෝහල වෙත යොමු කිරීමට පියවර ගෙන තිබෙනවා.
Share This Article