පරමුණායි දූපතෙන් කේරළ ගංජා කිලෝ 32 ක් සොයාගනී
Saturday, 19 September 2020 - 11:31 | Views - 428
කල්පිටිය - බත්තලංගුණ්ඩුව දූපත ආසන්නයේ ඇති පරමුනායි දූපතේ සිදුකළ විශේෂ වැටලීමකදී කේරළ ගංජා කිලෝග්රෑම් 32 කට අධික ප්රමාණයක් නාවික හමුදා භාරයට ගෙන තිබෙනවා.
වයඹ නාවික විධානය සිදුකළ විශේෂ සෝදිසි මෙහෙුයමකදී අතහැර දමන ලද ධීවර වාඩියක ජාවාරම්කරුවන් විසින් පාර්සල් 15 ක් වශයෙන් සකස් කර සගවා තිබියදී සොයා ගත් බවයි නාවික හමුදාව සදහන් කළේ.
මෙලෙස නාවික හමුදා භාරයට ගන්නා ලද ගංජා තොගය ඉදිරි පරීක්ෂණ කටයුතු සදහා කල්පිටිය පොලීසියට භාරදී තිබෙනවා.
මේ අතර, ඇල්පිටිය ප්රදේශයේදී ද මත්ද්රව්ය ළඟ තබා ගත් 6 දෙනෙකු පොලීසිය ඊයේ අත්අඩංගුවට ගෙන තිබුණා.
එමෙන්ම පාසල් තුළ සංසරණය වන මත්ද්රව්ය සම්බන්ධයෙන් තොරතුරු සොයා බැලීම සදහා ශිෂ්ය භට කණ්ඩායම්වල ජ්යෙෂ්ඨ සාමාජිකයින් යොදා ගැනීමට පියවර ගන්නා බව ජාතික ශිෂ්ය භට බලකායේ අධ්යක්ෂ මේජර් ජනරාල් ජේ.ආර්.කුලතුංග ප්රකාශ කළා.
ජාතික ශිෂ්ය භට බලකායේ මධ්යම පළාතේ 28 වන බාලිකා බලඇණියේ අධීක්ෂණය සදහා ඊයේ පැමිණි අවස්ථාවේදී ඔහු මේ බව කියා සිටියා.
Share This Article