අපි නොදන්න තැඹිලි ගුණ!
Friday, 26 June 2020 - 12:43 | Views - 2,753
ස්වභාවික පානයක් වන තැඹිලි වතුරේ ඔබ නොදන්නා ගුණ ගණනාවක්ම තියෙනවා. මාස 7ක් 8ක් පුරා ජෛව පිරිසුදුවීමේ ක්‍රියාවලියකට ලක්වෙමින් නිපදවෙන තැඹිලි වතුර ජීවානුහරිතයි. මෙහි සුලභව පවතින පොටෑසියම්, සෝඩියම්, ක්ලෝරයිඩ්, මැග්නිසියම් වැනි අයන වර්ග මෙන්ම සුළු වශයෙන් ඇති ස්වාභාවික සීනි නිසාත් විශිෂ්ට ගුණ දක්වනවා.

තැඹිලි වතුර සහ එහි මදය ආහාරමය තන්තුවලින් ඉතාම පොහොසත්. මැංගනිස්, අයඩින්, සල්ෆර්, සින්ක්, සෙලනියම්, කැල්සියම්, පොස්පරස්, යකඩ හා විටමින් බී, සී හා ඊ වැනි ක්ෂුද්‍ර පෝෂකත් මෙහි තියෙනවා. එමෙන්ම අත්‍යවශ්‍ය ඇමයිනෝ අම්ල, කාබනික අම්ල, ප්‍රතිඔක්සිකාරක ජෛව ක්‍රියාකාරී එන්සයිම වර්ග, ශාක රසායන, කාබනික අම්ල, ශාක හෝර්මෝන වර්ග වගේම හදවතට හිතකර මේදයද මෙහි අන්තර්ගත වෙනවා.

තැඹිලි වතුර, ඇඟ නිවන ඔසුවක් ලෙස අපගේ දේශීය වෙදකමේ බහුලව යොදා ගැනෙනවා. තැඹිලි වතුරෙහි තිබෙන අධික ඛනිජ ලවණ සංයුතිය නිසා, හෘදයාබාධ, අධික රුධිර පීඩනය වැළැක්වීමේ ඖෂධීය ගුණයක් එහි තිබෙනවා. බටහිර ඖෂධ අධි මාත්‍රාවකින් ශරීර ගතවුණොත් එහි විස නසන්න තැඹිලිවලට හැකියි. ආහාර වර්ගවල තිබෙන පළිබෝධ නාශක අමතර කොටස් හා ආසනික්, කැඩ්මියම් වැනි බැරලෝහ කොටස් නිසා සිදුවන හානි අවම කරන්නත් තැඹිලි වතුර භාවිත කරනවා.
දියවැඩියා රෝගය ඇතිවිට ලපටි තැඹිලි වතුර පානය කිරීම ගැටලුවක් නෑ. තැඹිලි වතුර අපේ ශරීරයේ අහිතකර කොලෙස්ටරෝල් අඩුකරන්නත්, හිතකර කොලෙස්ටරෝල් මට්ටම වැඩි කරන්නත් හේතුවන අතර, එහි පොටෑසියම් වැඩි සාන්ද්‍රණයකින් අඩංගු වන නිසා හදවත රකින විශිෂ්ට ආහාරයක්ද වනවා. තැඹිලි වතුර, පිළිකා ඇතිවීමට හේතු වන නිදහස් මුක්ත ඛණ්ඩක විනාශ කරන ප්‍රතිඔක්සිකාරකවලින්ද පොහොසත් බව සොයාගෙන තිබෙනවා. තවද එහි සින්ක් සහ සෙලනියම් වැනි ඛනිජ ලවණ වර්ග තියෙන නිසා, ලිංගික සරු බවට සහ මඳ සරු බව දුරැ කරන්නත් හොඳ ඖෂධයක්.

මහලු අයට වගේම ඝන ආහාර දිරවීම අපහසු රෝගීන්ට ලබාදෙන්න පුළුවන් විශිෂ්ට පෝෂණීය පානයක් තමයි තැඹිලි වතුර කියන්නේ. මවු කිරිවල තිබෙන ලෝරික් අම්ලය තැඹිලි වතුරෙහිද අඩංගුවන නිසා සකස් කළ ළදරු කිරිපිටි වර්ගවලට වඩා තැඹිලි වතුර ගුණදායකයි. ගර්භණී මවුවරුන්ද තැඹිලි වතුර පානය කිරීම ඉතා සුදුසුයි. ශරීරය අධිකව වෙහෙසට පත්වන අවස්ථාවලදී සහ විජලන තත්ත්වයන්වලදී තැඹිලි වතුර පානය කිරීමෙන් විස්මිත ගුණ ලැබෙනවා.

තැඹිලිවල හිතකර ගුණ කෙටියෙන්:
• මුත්‍රා මාර්ගය පිරිසිදු කරන අපූරු ශක්තියක් තැඹිලි වතුරට ඇති නිසා මුත්‍රා පිටවීමේ අපහසුවෙන් පෙළෙන අයට මුත්‍රා පිටවීම පහසුවීමට තැඹිලි පානය කරන්න. • ආහාර දිරවීමේ ක්‍රියාවලිය පහසු කරයි. • කුඩා දරුවන්ට වැළෙඳන බඩ අජීර්ණයන් හා බඩ පිපුම වැනි තත්ත්වයන් සමනය කිරීමට තැඹිලි වතුර ගුණදායකයි. • ශරීරයෙහි උෂ්ණ ගතිය මගහැර ශරීරය සිසිල් කිරීම තැඹිලි වතුරින් සිදුවේ. • ශරීරයේ ඇති දැවිල්ල නැති කිරීමේ අපූරු ගුණයක් තැඹිලි වතුර සතුය. • ශරීරයේ නැවුම් බවට හේතුවන තැඹිලි වතුර නිතර නිතර පානය කිරීමෙන් ඔබ ශරීරය නැවුම් වේ. • රුධිරය පිරිසිදු කරනා අතරම රුධිරයේ ඇති විෂ කොටස් විනාශ කර දමයි. • රුධිර සංසරණය හොඳින් සිදුවෙයි. • ධමනිවල ඇති කොලෙස්ටරෝල් ප්‍රමාණය නැතිකිරීම නිසා කොලෙස්ටරෝල් ඇති අයට වඩාත් සුදුසුය. • වමනය නැති කරයි. • ශරීරයේ ශක්තිය ඇති කිරීම සඳහා උදව් වේ. • මාංශ පේෂිවල වැඩීම ඇති කරයි. • ශරීරයෙහි බර අඩුවීම නැතිකර බර වැඩිවීමට මගපාදයි. • ශරීරයෙහි ප්‍රතිශක්තිය වැඩිකර ලෙඩ රෝගවලට ඔරොත්තු දීමේ හැකියාව ඇති අයුරින් ශරීරය හැඩගස්වයි. • වෛරස් රෝගවලට ඔරොත්තු දීමේ හැකියාව මනා අයුරින් හිමිවීමට තැඹිලිවතුර පානයට ගන්න. • දියවැඩියාව ඇත්තන්ට තැඹිලි වතුර පානය කිරීමට බියක් ඇති කරගත යුතු නොවේ. • පිළිකා සෑදීම සඳහා ඇති අවදානම නැති කිරීමට මෙයට පුළුවන. • මුත්‍රා ගල් හැදීම අඩුකරන බැවින් එම රෝගයට ගොදුරු වී සිටි අයට මෙන් ම එම රෝගය වැළඳීමට ඉඩකඩ ඇති අයට උචිතයි. • මන්ද පෝෂණයෙන් පෙළෙන දරුවන්ට එම රෝග තත්ත්වයෙන් මිදීමට උදව් වේ. • කුඩා දරුවන්ගේ පණු රෝගවලට ගුණදායකය. • සන්ධි රෝගවලට අපූරු ගුණදායක බවක් ගෙන දේ. • පිත්තාශයේ රෝගවලට හොඳය. • සමෙහි සුසිනිඳු බව ආරක්ෂා කරයි. • හිස් කබලෙහි ඉස්හොරි සෑදීම වළක්වයි. • අකලට කෙස් පැසීම රෝගයෙන් පීඩාවිඳින තරුණ තරුණියන්ට තැඹිලි වතුර බීම කදිම පණිවුඩයකි. • දිලීර රෝගයක් සෑදුණු අවස්ථාවල දී තැඹිලි වතුර බීමෙන් ඉන් ඉවත් විය හැකිය. • බැක්ටීරියා නැසීමේ ගුණයක් ඇත. • බඩවැල්වල හැදෙන පණුවන් විනාශ කරයි. • උණසන්නිපාතය, මැලේරියාව වැනි රෝගවලට ගුණදායක වේ. • හිසරදයට කදිමය. • ධමනිගත රෝගවලට ගුණදායකය. • ගලගණ්ඩය සැදී ඇති අයට මනාය. • දෙවන ලෝක යුද්ධයේ දී සේලයින් වෙනුවට තැඹිලි වතුර එන්නත් කරන ලද බව කියැවේ. ඒ නිසා සේලයින් වෙනුවට තැඹිලි වතුර භාවිතයට ගත හැක.

තැඹිලි අහිතකර අය:
• වකුගඩු රෝගවල දී තැඹිලි වතුර පානය නුසුදුසුය. • සර්පයින් දෂ්ට කළ අවස්ථාවල දී තැඹිලි වතුර පානයෙන් වැළකී සිටින්න. • සෙම් රෝගවල දී තැඹිලි අගුණය. • ලේ දන් දී පැමිණි අවස්ථාවක දී තැඹිලි පානය ඔබට අහිතකර විය හැකිය.
Share This Article
Hiru Tv Blog
ඔබ සුන්දරත්වය රැකගැනීමට කෙතරම් සත්කාර...
Hiru Tv Blog
Thursday, 23 July 2020 - 11:13
Hiru Tv Blog 948 Views
සුන්දර පැහැපත් සමක් ලබාගැනීම සඳහා ස්වාභාවික...
Hiru Tv Blog
අප කවුරුත් උත්සාහා ගන්නේ නීරෝගීව දිවි...
Hiru Tv Blog
ආඝාතය “Stroke” යනු මොළය තුළට නිසි රුධිර...
Hiru Tv Blog
Wednesday, 08 July 2020 - 9:49
Hiru Tv Blog 3,072 Views
උළුහාල් සත්කාරයඅවශ්‍ය ද්‍රව්‍ය-  ...
Hiru Tv Blog
දිනේෂ් ප්‍රියසාද් පවුලේ දිනක්ෂි, ශේෂාද්‍රි, ශනුද්‍රි අක්කලා නංගිලා තුන්දෙනා...
Hiru Tv Blog
අංජුලා රාජපක්ෂ කියලා කිව්වාම කාටත් මතක් වෙන්නේ දුෂ්ඨ කෙනෙකු ලෙසයි. ඒ ඇය එවැනි...
Hiru Tv Blog
සචිනි අයේන්ද්‍රා සිනමාවේ පුංචි තිරයේ නිරූපණයේ දස්කම් පාමින් ප්‍රේක්ෂකයින්...
Hiru Tv Blog
ඇසට සම්බන්ධ කළ කාචයක් මගින් විවිධ තොරතුරු විශේෂ තිරයක් නැතිව බලා ගන්නට පුළුවන්...
Hiru Tv Blog
රොබට් ඩවුනි ජූනියර් කාගේත් ආදරයට පාත්‍ර වූයේ ටෝනී ස්ටාර්ක් හෙවත් අයන් මෑන්ගේ...
Hiru Tv Blog
ඇමරිකාවේ Federal Trade Commission විසින් කල පරීක්ෂණයකට අනුව Youtube පරිශීලනය කරන දරුවන්ගේ දත්ත...
Top