ලෙඩ රැසක් ගොඩදාන ජල ව්‍යායාම්
Monday, 25 May 2020 - 12:14 | Views - 760
ඕනෑම ආකාරයක ව්‍යායාම ක්‍රමයක් සෞඛ්‍යයට හිතකරය. නමුත් ජලය තුළ සිදුකරන ව්‍යායාම සෞඛ්‍යයට වැඩි වාසි රැසක්ම සපයනවා. ජලචර ව්‍යායාම ලෙසද හඳුන්වන ජලය තුළ සිට සිදුකරනු ලබන මෙම ව්‍යායාම සිදුකිරීමේදී දැඩි වෙහෙසට පත් නොවී නැවුම් ආකාරයක අත්දැකීමක්ද සමඟ සතුටක්ද විඳින්නට පුළුවනි. ඔබ ගොඩබිමේ ව්‍යායාම සිදුකරනවා මෙන් ජලය තුළ ව්‍යායාම සිදු කිරීමේදී ශරීරයට එතරම් තද ඝට්ටන සිදු නොවන නිසා ව්‍යායාම සිදු කිරීමෙන් පසු ශරීරය 90ක්ම සැහැල්ලු ස්වභාවයක් ගනු ලබනවා.

ජලයේ ව්‍යායාම සිදුකිරීම මගින් කුඩා දරැවාගේ සිට වැඩිහිටි පුද්ගලයා දක්වා වයස් ඛාණ්ඩවල ඕනෑම අයෙකුට සෞඛ්‍යමය වාසි අත්විඳින්නට පුළුවනි. දුර්වල ස්නායු සහ මාංශ පේශී ඇති පුද්ගලයින්, නහර මතුවී ඇති පුද්ගලයින්, අස්ථිවලට හානිවී ඇති පුද්ගලයින් මෙන්ම ගර්භනී කාන්තාවන් සහ අධික තරබාරු පුද්ගලයින්ට පවා මෙම ව්‍යායාම සිදු කරන්නට පුළුවනි.
ඉතින් අපි බලමු ජලය තුළ ව්‍යායාම සිදුකිරීම මගින් සැලසෙන සෞඛ්‍ය වාසි මොනවාද කියා.

01. ශරීරයේ බර අඩුවීම

ජලය තුළ සිදුකරන ව්‍යායාම මගින් ශරීරයේ බර පහසුවෙන් අඩුකර ගන්නට පුළුවන්. ව්‍යායාම සඳහා යොදනු ලබන බලය සහ ජලය මගින් සැපයෙන ප්‍රතිරෝධය එකට එක්වීම මගින් ශරීරයට පරිපූර්ණ ව්‍යායාමයක් ලැබෙනවා. ජලජ ව්‍යායාම දිනපතා දිනකට විනාඩි 30 සිට 60 දක්වා සිදුකිරීම  මගින් දිනකට කැලරි 300 සිට 500 දක්වා ප්‍රමාණයක් දහනය කර ගන්නට පුළුවන්.
2010 වසරේ දී පළවුණු අධ්‍යයන වාර්තාවක සඳහන් වන්නේ ජලය තුළ ව්‍යායාම සිදුකිරීම මගින් ශරීරයේ මේදය සාර්ථකව දහනය කර ඉනෙහි වට ප්‍රමාණය නිසිලෙස අඩු කරගෙන ශරීරයේ නිසි හැඩය ලබා ශරීරයට සෞඛ්‍යය සම්පන්න භාවයක් අත් කර ගත හැකි බවයි.

02. අස්ථිවල සෞඛ්‍ය වර්ධනය කිරීම

ජලය තුළ සිදුකරන ව්‍යායාම මගින් අස්ථිවල සෞඛ්‍යය වර්ධනය වීමක් සිදුවනවා. ජලය තුළ ඇති ප්‍රතිරෝධතාවය මගින් අස්ථි මතට හානිදායක පීඩනයක් එල්ල නොවන නිසා වේදනාව සහ තෙහෙට්ටුව වැනි බලපෑම් ඇතිවීම වැළකෙනවා. ආතරයිටිස් වැනි සන්ධි ආබාධ සහ වෙනත් අස්ථි ගැටලුවලින් පීඩා විඳින පුද්ගලයින් සඳහා මෙම ව්‍යායාම ක්‍රමය වඩාත් ඵලදායී වනවා.

ජලය තුළ ව්‍යායාම සිදු කිරීම මගින් “hemophilia” වැනි රෝග ඇති පුද්ගලයින්ට එදිනෙදා කාර්යයන් කිරීම සඳහා අස්ථිවල ශක්තිය වර්ධනයට සහ චලනයන් වර්ධනය කර ගැනීමට උපකාරවේ.
පිහිනුම් ව්‍යායාම සිදුකිරීම මගින් ඔස්ටියෝ ආතරයිටිස් රෝගයෙන් පීඩා විඳින පුද්ගලයින්හට ඇතිවන අස්ථි තද ස්වරූපය දුරුකර මාංශ පේශීවල ක්‍රියාකාරීත්වය වේගවත් කරන බව සනාථ කර තිබෙනවා.

03. නම්‍යතාවය සහ සංචලතාවය වර්ධනය කිරීම

සාමාන්‍ය පරිදි සිදුකරනු ලබන ව්‍යායාමවල චලනයන් ගුරුත්වාකර්ෂණ බලයට සහ බිම ඇද වැටේවි යැයි යන බිය නිසා සීමා වනවා. නමුත් ජලය තුල ව්‍යායාම සිදු කිරීමේදී විශාල පරාසයක චලනයන් සිදුකිරීමට හැකිවීම නිසා අස්ථි වඩාත් නම්‍යශීලි වනවා.
ජලය තුළ සිදුකරන ව්‍යායාම පිට කොන්ද ප්‍රදේශයේ නම්‍යශීලී භාවයට වඩාත් වාසිදායක වනවා. ශරීර යෝග්‍යතාවයට නම්‍යශීලීත්වය වඩාත් වැදගත් වන නිසා ජලය තුළ ව්‍යායාම සිදුකර නම්‍යශීලීත්වය වර්ධනය කිරීමෙන් ශරීරයේ නිසි සෞඛ්‍ය සම්පන්න වර්ධනයක් ඇති කරගන්නට පුළුවන්.

වැඩිහිටි පුද්ගලයින්ගේ බිම ඇදවැටීමේ අවදානම අඩුකර ගැනීම සඳහා ජලය තුළ සිදුකරන “aqua aerobic” චිකිත්සාව අතිසාර්ථක වන බව අධ්‍යයන වාර්තාවක සඳහන් වනවා. මෙම ව්‍යායාම සිදු කිරීම සඳහා උණු ජලය සහිත ජල තටාකයක් භාවිතා කරනවා නම් එය මාංශ පේශීවල නම්‍යතාවයට පහසුවන නිසා ව්‍යායාමවල ප්‍රබලත්වයද වර්ධනය වනවා.

04. රුධිර පීඩනය අඩුකර ගැනීම

ජලය තුළ ව්‍යායාම සිදුකිරීම මගින් ජලයෙන් නිකුත්වන ප්‍රතිරෝධය නිසා ශරීරය පුරාවටම රුධිරය සංසරණය වීමේ වඩාත් කාර්යයක්‍ෂම කරනු ලබනවා. මෙමගින් රුධිර පීඩනය නියාමනය කර ගැනීම සහ අක්‍රිය හෘද ස්පන්දනය නිසි තත්වයට පත්කර ගැනීම වැනි සෞඛ්‍යය වාසි අත්කර ගන්නට පුළුවන්.

පුද්ගලයින් පිරිසක් සති දහයක කාලයක් ජලය තුළ ව්‍යායාම කිරීම සඳහා යොදවා සිදුකළ එක්තරා අධ්‍යයන වාර්තාවක් මගින් කරුණු දක්වන ආකාරයට පැහැදිලිවන්නේ ස්ථූල පුද්ගලයින්හට, අධි රුධිර පීඩනය ඇතිපුද්ගලයින්ට, ආබාධිත අයට සහ ශ්වසන ගැටලු ඇති පුද්ගලයින්ට මෙම ව්‍යායාම ක්‍රමය වඩාත් ඵලදායී වන බවයි.
Share This Article
Hiru Tv Blog
Wednesday, 08 July 2020 - 9:49
Hiru Tv Blog 1,031 Views
උළුහාල් සත්කාරයඅවශ්‍ය ද්‍රව්‍ය-  ...
Hiru Tv Blog
සුන්දර පැහැපත් සමක් මෙන්ම නිරෝගීමත් කෙස්...
Hiru Tv Blog
Friday, 26 June 2020 - 12:43
Hiru Tv Blog 1,815 Views
ස්වභාවික පානයක් වන තැඹිලි වතුරේ ඔබ නොදන්නා...
Hiru Tv Blog
රෝගවලින් ආරක්ෂාවීමට ප්‍රතිශක්තිකරණ...
Hiru Tv Blog
Thursday, 18 June 2020 - 14:06
Hiru Tv Blog 1,629 Views
ප්‍රෝටීන් අපේ ශරීරයේ වර්ධනයට සහ මනා ක්‍රියාකාරීත්වයට...
Hiru Tv Blog
මම මුලින්ම සම්බන්ධ වුණේ උදයකාන්ත වර්ණසූරිය මහත්මයගේ ‘ආදර හීනය’ කියන චිත්‍රපටයට....
Hiru Tv Blog
දිනක්ෂි ප්‍රියසාද් කියන්නේ රසික ආදරය දිනාගත්තු අපේ රටේ ජනප්‍රිය තරුණ නිළියක්....
Hiru Tv Blog
රුක්ෂානා දිසානායක, ඔබ විශ්වවිද්‍යාල ශිෂ්‍යාවක් නේද?මම විශ්වවිද්‍යාල අධ්‍යාපනය...
Hiru Tv Blog
ඇසට සම්බන්ධ කළ කාචයක් මගින් විවිධ තොරතුරු විශේෂ තිරයක් නැතිව බලා ගන්නට පුළුවන්...
Hiru Tv Blog
රොබට් ඩවුනි ජූනියර් කාගේත් ආදරයට පාත්‍ර වූයේ ටෝනී ස්ටාර්ක් හෙවත් අයන් මෑන්ගේ...
Hiru Tv Blog
ඇමරිකාවේ Federal Trade Commission විසින් කල පරීක්ෂණයකට අනුව Youtube පරිශීලනය කරන දරුවන්ගේ දත්ත...
Top