ප්‍රසංගය අවසානයේදී කේ. සුජීවා හඬා වැටෙයි.. සංවිධායකයින් දුන් සල්ලි එපා කියා ඇය කියූ සංවේදී කතාව මෙන්න.|Hiru TV Blog

ප්‍රසංගය අවසානයේදී කේ. සුජීවා හඬා වැටෙයි.. සංවිධායකයින් දුන් සල්ලි එපා කියා ඇය කියූ සංවේදී කතාව මෙන්න.

Tuesday, 28 April 2026 - 12:23 | Views - 120

කලාකාරියක් යනු හුදෙක් මුදලට පමණක් සීමාවූවෙකු නොවන බව ප්‍රායෝගිකව ඔප්පුකර පෙන්වූ අපූරු පුවතක් සමාජ මාධ්‍ය හරහා මේ වනවිට දැඩි කතාබහට ලක්වෙලා තිබෙනවා.

ඒ තමයි ජනප්‍රිය ගායිකා කේ. සුජීවාට පසුගියදා පැවති සංගීත ප්‍රසංගයකදී සිදුවූ සිදුවීමක් මේ කතාබහට හේතුවෙලා තිබෙනවා.

අදාළ ප්‍රසංගය පැවැත්වෙමින් තිබියදී රාත්‍රී 12.45ට පමණ ශබ්ද විකාශන යන්ත්‍ර ක්‍රියාවිරහිතකර ප්‍රසංගය අවසන්කරන ලෙස පොලිසිය විසින් දැනුම්දී තිබෙනවා.

ඒ වනවිට ගීත ගායනා කිරීම සඳහා කේ. සුජීවා වේදිකාවට පැමිණ සිටියත්, ඇයට එකදු ගීතයක් ගායනා කිරීමට අවස්ථාවක් ලැබී නැහැ.

ප්‍රසංගය අතරමඟ නතර කිරීමට සිදුවුවත්, ඇය එහි පැමිණීම අගය කරමින් සංවිධායක මණ්ඩලය ඇයට හිමිගෙවීම් ලබාදීමට ඉදිරිපත්වෙලා තිබෙනවා.

නමුත් කිසිදු ගායනයක් ඉදිරිපත් නොකර එම මුදල් ලබාගැනීම ඇය ප්‍රතික්ෂේප කර ඇත්තේ එහි සිටි සියලුදෙනාම පුදුමයට පත්කරමින්.

ඇය ඉතාමත් සංවේදීව, කඳුළු පිරි දෙනෙතින් යුතුව එහිදී පවසා ඇත්තේ මෙවැනි කතාවක්,

"මල්ලි මම කියන එක අහන්න.. මම අද එක සින්දුවක්වත් කිව්වේ නැහැනේ. ඒ නිසා මට මේ සල්ලි එපා. ලබන අවුරුද්දේ මම නොමැරී හිටියොත් ආයෙත් එන්නම්.. එදාට මම සින්දු කියලා මේ සල්ලි ගන්නම්."

බොහෝදෙනා කලාකරුවන් මුදල් පසුපසම හඹායන බවට චෝදනා කළත්, කේ. සුජීවාගේ මේ ක්‍රියාව නිසා ඇය සතු නිහතමානීබව හා වෘත්තීය ගරුත්වය මැනවින් ප්‍රදර්ශනයවෙලා තිබෙනවා.

ඇයගේ මේ මානුෂීය ගුණය ගැන මේ වනවිට බොහෝදෙනා සමාජ මාධ්‍ය ඔස්සේ සිය ප්‍රසාදය පළකරමින් සිටිනවා.