අධික රශ්මිය නිසා විජලයනයට හසුවී 28 හැවිරිදි එක්දරු මව පාපැදියෙන් ඇදවැටී මරුට
Wednesday, 29 May 2019 - 10:31 | Views - 1,864
යාපනයේ” නෙල්ලිඅඩි” කරණවෙයි ප්රදේශයේදී මහමග ඇද වැටී කාන්තාවක් මියගියේ අධික රශ්මිය නිසා ඇතිවූ විජලනයෙන් බවට යාපනය ශික්ෂණ රෝහලේ වෛද්යවරුන් 26 දා නිගමනය කොට තිබේ.
යාපනය නගරයට පා පැදියකින් පැමිණි වයස අවුරුදු 28 ක් වූ එක්දරු මවක වන පෙරෝෂන් නාලායිනී නැමති කාන්තාව ආපසු නිවස බලා යමින් සිටියදී යාපනයේ කරණවෙයි ප්රදේශයේදී පාපැදියෙන් ඇද වැටී තිබේ.
මාර්ගය අසල සිටි පිරිස වහාම ඇයව යාපනය ශික්ෂණ රෝහල වෙත ඇතුළත් කොට ඇතත් පසුව ඇය මියගොස් තිබේ.
ඇගේ මරණයට හේතුව හෘදයාබාධයක් බවට මුලින් සැකකරණ ලද නමුත් මරණය සම්බන්ධයෙන් පැවති පශ්චාත් මරණ පරීක්ෂණයේදී හෙළි වී ඇත්තේ ඇය අධික රශ්මිය නිසා ඇතිවූ විජලනයෙන් මියගොස් ඇති බවයි.
Share This Article