කාලෙකට පස්සේ නේද ඔබ නැවැත ටෙලිනාට්‍යයකට සම්බන්ධ වුණේ?
අවුරුද්දකට විතර පස්සේ තමයි මම ටෙලිනාට්‍යයකට සම්බන්ධ වුණේ. පුතාගේ වැඩකටයුතු නිසා මම පොඩි කාලයක් ගෙදරට වෙලා ඉන්න කොට තමයි අලුත් ටෙලිනාට්‍යයක පිටපත මගේ සුරතට ලැබුණේ. එය කියවලා බලන කොට මට ලැබුණු  චරිතය තුළින් මට දෙයක් කරන්න පුළුවන් නිසා මම ආසාවෙන් ඇය ටෙලිනාට්‍යයට සම්බන්ධ වුණා. සමන් කුමාර ලියනගේ හොඳ නිර්මාණ අධ්‍යක්‍ෂකවරයෙක්. ඉතින් මම දෙපාරක් නොහිතා මට ලැබුණු ආරාධනාව භාරගත්තා. මට වැඩිපුර ප්‍රතිචාර ලැබෙන්නේ විදේශගතව සිටින අපේ ශ්‍රී ලාංකික කාන්තාවන්ගෙන්.

පසුගිය දවස ඔබත් මිස් ශ්‍රී ලංකා කිරුළ දිනාගත්තා නේද?
මගේ ලොකු ආසාවක් තිබුණා එවැනි තරගයකට සම්බන්ධ වෙන්න. 2019 මිස් ශ්‍රී ලංකා තරගාවලියේ ජයග්‍රහණ කිරුළ මට හිමි වුණා. මේ හැම දේම මට ලැබෙන්නේ මගේ පුතාගේ වාසනාවට කියලයි මම හිතන්නේ. මම ඒ වෙනුවෙන් සෑහෙන්න මහන්සි වුණා.

ඔබට සැමියාගෙන් මොනවගේ සහායක්ද ලැබෙන්නෙ ඔබගේ නිර්මාණ කටයුතු සඳහා?
එයා මටත් වඩා උනන්දුවෙන් මාව දිරිගන්වන එක තමයි කරන්නේ. අපි දෙන්නාගේ එකම සම්පත අපේ දරුවා. මොන දේ කළත් අපි දරුවා ගැන හිතලා තමයි දෙවනුව වැඩ ගැන හිතන්නේ. මගේ නිර්මාණ වැඩකටයුතුවලට ඔහුගෙන් කිසිම බාධාවක් නැහැ. හැමදේම සමබරව කරගෙන අපි සතුටින් ඉන්නවා. පවුලක වටින එකම දෙය සතුට විතරයි.

ජනප්‍රියතාව වෙනුවෙන් ගොඩදෙනෙක් කරන්නේ ගොසිප් මවන එක. ඔබටත් ගොසිප් මවනවාද?
ගොසිප් කියන දේ ඕනෑම කෙනෙක්ට ලැබෙන දෙයක්. ඉතින් සමහරු වුවමනාවෙන් ගොසිප් හදාගන්නවා. මම ගොසිප් කියන දේවල් එතරම් විශ්වාස කරන්නේ නැහැ. මට එහෙම ගොසිප් හැදිලත් නැහැ.

නිලන්ති රේණුකා