ලෝකේ පුදුම කරවන තැන් 113ක්, මෙරට මුහුදු පතුලේ
SUB - ගුවන් යානා හයක් නැව් 107 ක් ඒ අතර,
ශ්රී ලංකා මුහුදු පතුලේ ඇති ඓතිහාසික වශයෙන් වැදගත් සංරක්ෂණය කළ යුතු ස්ථාන( පුරාවස්තු) 113 ක් හඳුනාගෙන ඒ සම්බන්ධයෙන් විශේෂ වාර්තාවක් පිළියෙල කරගෙන යන බව මධ්යම සංස්කෘතික අරමුදලේ අධ්යක්ෂ ජනරාල් මහාචාර්ය ගාමිණී රණසිංහ පැවැසීය.
මුහුදු පතුලේ පවතින මෙම පුරාවස්තු අතර ගුවන් යානා හයක්ද ඇති බව පැවසූ මහාචාර්යවරයා සෙසු ඒවා ගිලීගිය නෞකා බවද සඳහන් කළේය.
මෙම ගුවන් යානා හයෙන් දෙකක් මුහුදට වැටී ඇත්තේ දෙවෙනි ලෝක සංග්රාමය සමයේදී බවත් ඉතිරි ගුවන් යානා හතර ඊළාම් යුද්ධය සමයේදී කඩා වැටුණු ඒවා බවත් රණසිංහ කීවේය.
නෞකාවලින් වැඩි හරියක් ගිලී ගොස් ඇත්තේ බ්රිතාන්ය යුගයේදී බවද ඔහු අනාවරණය කළේය.
මෙම පුරාවස්තු ස්ථාන සම්බන්ධයෙන් විශේෂ අධ්යයනයක් කරගෙන යන බවත් මේවා ගොඩ ගැනීම ප්රායෝගික නොවන හෙයින් සංචාරක කර්මාන්තයේ ප්රවර්ධනය සඳහා යොදාගැනීමේ (සංචාරකයන්ට කිමිදී දැකබලා ගැනීම) අවශ්යතාව රජයට පෙන්වාදී ඇති බවත් ගාමිණී රණසිංහ වැඩිදුරටත් ප්රකාශ කළේය.
ශ්රී ලංකා මුහුදු තීරයේ ගිලී ගිය එක්ස්ප්රස් පර්ල් නෞකාවේ පහළ කොටසද සංරක්ෂණය කළ යුතු ස්ථානයක් ලෙස හඳුනාගෙන ඇතැයි මහාචාර්යවරයා වැඩිදුරටත් පැවසීය.
මේ අතර අත්තනගළු ඔයෙන් කලකට පෙර හමුවී කෞතුකාගාර දෙපාර්තමේන්තුවේ තැන්පත් කර පවතින ඓතිහාසික ඔරුවද සංරක්ෂණය කිරීමට පියවර ගන්නා බව මධ්යම සංස්කෘතික අරමුදල පවසයි.
උපුටා ගැනීමකි..