ගැහැණු ළමයෙකුට පිරිසිදු කම කියන දේ තියෙන්නම ඕනේ-හැම මොහොතකම හිනා වෙලා සතුටින් ඉන්න පුළුවන්නම් අපි දන්නේම නැතුව ලස්සන වෙනවා
Monday, 06 July 2020 - 15:20 | Views - 866
රූමත් බව නිසා රංගනය වෘත්තිය වුණත්, එම වෘත්තියේ රැඳෙන්න දක්ෂතාවය අනිවාර්යයෙන්ම තිබිය යුතුයි. හිරු TV අහස් මාළිගා ටෙලි නාට්‍යයට සම්බන්ධ වීමෙන් පසුව තමයි හිරු ටී.වී එකේ සෙනසුරාදා උදෑසන විකාශනය වන Top 10 වැඩසටහනේ නිවේදන කටයුතු කරන්න අවස්ථාව උදාවෙන්නේ.

පුංචි කාලෙත් අවුරුදු කුමාරි තරඟවලට සහභාගි වෙලා තියෙනවාද?
අවුරුදු කාලේට ගමේ තියෙන හැම අවුරුදු උත්සවයකටම වාගේ අම්මා මාව එක්ක යනවා. පුංචි කාලේ ඒ ගිය හැම අවුරුදු කුමාරි තරඟයකින්ම ජයග්‍රහණය කරලා තමයි ගෙදර එන්නේ.

ලස්සන නිසාම ආදර යෝජනාත් නොඅඩුව ලැබෙනවා ඇති නේද?
ඔව්, ඔව්. අවුරුදු 15දි විතර ඉඳලා ආදර යෝජනා එනවා.

කෙනෙක් ඔබගේ සුන්දරත්වය නිසාම ආදරය කරනවා නම්?
මම හිතන්නේ මුහුණේ සුන්දරත්වය නිසා හෝ ජනප්‍රියත්වය නිසා කෙනෙක් මට ආදරය කළොත් එය සැබෑ ආදරයක් වෙන්නේ නෑ. ආදරය කියන්නේ ආත්මීය බැඳීමක්.

ලස්සන වෙන්න මොනවාද කරන්නේ.
අංක එක තමයි පිරිසිදු කම. ගැහැණු ළමයෙකුට පිරිසිදු කම කියන දේ තියෙන්නම ඕනේ. අනිත් දේ තමයි හිත ලස්සනට තියා ගන්න එක. හැම මොහොතකම හිනා වෙලා සතුටින් ඉන්න පුළුවන්නම් අපි දන්නේම නැතුව ලස්සන වෙනවා. මේ දේවල් තමයි මගේ ලස්සනේ රහස. ඊට අමතරව වතුර බොනවා, සමට හිතකර ශරීරය සිසිල් කරන පළතුරු වර්ග කනවා. මම හරිම ආසයි කොමඩු වලට. කොමඩු ශරීරයට හරිම හිතකර පළතුරක්. කෑම බීම ගැනනම් ලොකුවට සැළකිලිමත් නෑ. නමුත් ඇඟේ හැඩය තියාගෙන ඉන්න ඕන නිසා ප්‍රධාන ආහාර වේල් වලට බත් පොඩ්ඩකුයි එළවළු ගොඩකුයි කනවා.

රෑට නම් කෑම ගන්නේ හරිම අඩුවෙන්. මොකද රෑට කෑවාම ඇඟ ගොඩක් මහත් වෙන නිසා.ව්‍යායාම කිරීමත් මගේ දෛනික දින චර්යාවේ කොටසක්. යූ ටියුබ් එක බලාගෙන මට ගැලපෙන විදියේ ව්‍යායාම මම ගෙදරදීම කරනවා.

සුදු වෙන්න ආසාවක් ඔබටත් තියෙනවාද?
සම සුදු කර ගැනීම ලස්සනයි කියන තැන මම නැහැ. කෘතිමව හම සුදු කර ගන්න ආසාවක් මට නැහැ.

එහෙම කරන අය ගැන අහිතකුත් නෑ. හැබැයි මම අහලා තියෙනවා හම සුදු කරන දේවල් භාවිත කළාම අතුරු ආබාධ ඇතිවිය හැකි බව.

ලෝකයේ දැකපු ලස්සනම කාන්තාව?
මම මේ ලෝකයේ දැකපු ලස්සනම කාන්තාව තමයි මගේ අම්මා. අම්මා අදටත් ස්වාභාවිකවම සුන්දරත්වය ආරක්ෂා කරගනෙ හරිම ලස්සනට ඉන්නවා. මටත් ඕනේ අම්මා වගේ ස්වභාවිකවම ලැබුණු සුන්දරත්වය ආරක්ෂා කරගෙන ඉන්න.

ලස්සන වෙලා ඉපදිලා තියෙන්නේ?
මම හිතන්නේ අපි ලස්සන වෙන්නේ හදවතින් ලස්සන නිසානේ. හදවත ලස්සනට උපදින්න පිං කරලා තියෙන්න ඕනේ කියලයි මම හිතන්නේ.

විලාසිතා කිරීමේදී සැළකිළිමත්ද?
ඔව්. මට ගැලපෙන මා නියැළෙන වෘත්තීන්ට ගැලපෙන විදිහට වයසට අනුව විලාසිතා කරනවා. විලාසිතා කරන්න මම හරිම ආසයි.

කාන්තාවකට ලස්සන වැදගත් කියා ඔබ විශ්වාස කරනවාද?
ඔව්. ලස්සන කියන දේ කාන්තාවන්ට පමණක් නොවේ අපි හැමෝටම ගැහැණු පිරිමි භේදයක් නැතුව වැදගත්. බාහිර පෙනුම වගේම හදවතත් අපි ලස්සනට තියා ගන්න ඕනේ. අනිත් දේ තමයි මම හිතනවා ලස්සන කියන දේ සාපේක්ෂයි. මට ලස්සනට පේන කෙනෙක්ව ඇතැම් විට ඔබට ලස්සනට නොපෙනෙන පුළුවන්....

ලස්සන කියන්නේ ආඩම්බර විය යුතු කාරණයක්ද?
කොහෙත්ම නෑ. මොහොතක් ගානේ වයසට යන ශරීරයකට තාවකාලිකව ලැබුණු ලස්සනකට ආඩම්බර වෙනවා කියන්නේ එක හරිම මෝඩ කමක්. ලස්සන කියන්නේ අපේ ජීවිතයට වටිනා කමක් එක්කළ පුංචිම පුංචි අංගයක් පමණයි.

අසුන්තා එදිරිසූරිය

Kavindya Dulshani | LK Model Zone | Sri Lankan No.01 Model Database
Share This Article
Hiru Tv Blog
ඔබ සුන්දරත්වය රැකගැනීමට කෙතරම් සත්කාර...
Hiru Tv Blog
Thursday, 23 July 2020 - 11:13
Hiru Tv Blog 947 Views
සුන්දර පැහැපත් සමක් ලබාගැනීම සඳහා ස්වාභාවික...
Hiru Tv Blog
අප කවුරුත් උත්සාහා ගන්නේ නීරෝගීව දිවි...
Hiru Tv Blog
ආඝාතය “Stroke” යනු මොළය තුළට නිසි රුධිර...
Hiru Tv Blog
Wednesday, 08 July 2020 - 9:49
Hiru Tv Blog 3,070 Views
උළුහාල් සත්කාරයඅවශ්‍ය ද්‍රව්‍ය-  ...
Hiru Tv Blog
දිනේෂ් ප්‍රියසාද් පවුලේ දිනක්ෂි, ශේෂාද්‍රි, ශනුද්‍රි අක්කලා නංගිලා තුන්දෙනා...
Hiru Tv Blog
අංජුලා රාජපක්ෂ කියලා කිව්වාම කාටත් මතක් වෙන්නේ දුෂ්ඨ කෙනෙකු ලෙසයි. ඒ ඇය එවැනි...
Hiru Tv Blog
සචිනි අයේන්ද්‍රා සිනමාවේ පුංචි තිරයේ නිරූපණයේ දස්කම් පාමින් ප්‍රේක්ෂකයින්...
Hiru Tv Blog
ඇසට සම්බන්ධ කළ කාචයක් මගින් විවිධ තොරතුරු විශේෂ තිරයක් නැතිව බලා ගන්නට පුළුවන්...
Hiru Tv Blog
රොබට් ඩවුනි ජූනියර් කාගේත් ආදරයට පාත්‍ර වූයේ ටෝනී ස්ටාර්ක් හෙවත් අයන් මෑන්ගේ...
Hiru Tv Blog
ඇමරිකාවේ Federal Trade Commission විසින් කල පරීක්ෂණයකට අනුව Youtube පරිශීලනය කරන දරුවන්ගේ දත්ත...
Top