අපි විවාහවෙලා දැන් අවුරුදු 9ක්- ඔහු මගේ දක්‍ෂතාව අගේ කරනවා
Monday, 06 July 2020 - 12:36 | Views - 1,387
"සිත ආදරේ සොයා.. යනවද බොරු කතා කියා..
සිත එක තැනක තියා.. ගන්නට බෑ වගෙ ඔයා..."

"සපු කුසුමේ සුවඳ කවා.. රකිමි ඔබේ සුසුම පවා..
දෙතොල කරා කොපුල දිගේ.. කඳුළු ඉබේ ගලන තුරා..
ආදරෙයි... ඔබට මං ආදරෙයි..."

ඒ පුරුදු ගී පද ඇහෙනකොටත් ඔබට ඈව මතකයට නැඟෙනවා ඇති.. "නදිනි ප්‍රේමදාස"... ඇය අපූරු විලාසිතා මවන්නියක් විදිහටත් බොහෝ දෙනා දැන අඳුනගන්නවා. කොහොම වුනත් මේ දවස්-වල ඇගේ අලුත්ම ගීතය "සිත උමතු වෙලා.." ගීතයට බොහෝ ප්‍රතිචාර ලැබෙන බව ඇය කියනවා. මේ ඇය සතිඅන්ත පුවත්පතක් සමඟ කළ කතාබහක්....

කාලෙකට පස්සෙ නදිනි ගැන ලොකු කතා බහක් ඇතිවෙලා.
අවුරුදු තුනකට පස්සෙ මම අලූත් සිංදුවක් කළා. ඇත්තටම මම හිතුවේ නැති වගේම හිතාගන්න බැරි විදියට ප්‍රතිචාර ඒ ඕඩියෝ-වීඩියෝ දෙකට ලැබෙමින් පවතිනවා. ‘සිත උමතුවෙලා’ නමින් කරපු මේ ගීතය වේග රිද්මයේ රොක් ඇන්ඩ් රෝල් ස්ටයිල් එකට කිරීම තමයි මේ කතාබහට හේතුව.
 
අද ගීතයක් ජනප්‍රිය කරගන්න එක අමාරු දෙයක් නේද?
එහෙම දෙයක් තියෙනවා. කොහොමටත් අපිට ගීත බලෙන් ජනප්‍රිය කරගන්න බෑ. අපි කල්පනා කරල මිහිරි ගීතයක් ගැයුවොත් ඒක ශ්‍රාවකයෝ වැළඳ ගන්න එක නවත්තන්නත් බැහැ.
 
ඉස්සර තරම් දැන් ප්‍රසංග වේදිකාවට ආරාධනා නැහැ කිව්වොත්.
ප්‍රසංග පැවැත්වෙනවනම් ආරාධනා ලැබෙනවා. ඒත් කාලෙක ඉඳල රටේ ඇතිවුණ තත්ත්වය නිසා ප්‍රසංග පැවැත්වෙන්නෙ බොහොම සීමිතවනේ. ඒක ඉතින් ගායක ගායිකාවෝ හැමෝම මුහුණ දෙන තත්ත්වයක්.
 
රූප රචනා නැතුව ගීත ජනප්‍රිය කරගන්න බැරි තත්ත්වයක් අද උදාවෙලා. කොහොමද ඒ තත්ත්වය ඔබ දකින්නේ?
එදා ගුවන් විදුලියෙන් ගායකයෙකුගේ හෝ ගායිකාවකගේ හඬ හරහා තමයි ගීත වැළඳ ගත්තේ. තාක්‍ෂණයේ දියුණුවත් එක්ක අද රූපවාහිනිය වගේම යූටියුබ් කලාව තරුණ පරපුර තදින් වැළඳගෙන සිටීම තමයි මේකට ප්‍රධානම හේතුව. ඔවුන් හැම ගීතයටම විෂුවල් එකක් බලාපොරොත්තු වෙන තත්ත්වයක් තමයි අද නිර්මාණය වෙලා තියෙන්නේ.
 
ඔබේ අලූත්ම ගීතයේ රූප රචනාව ගැන කතා කළොත්?
ඇත්තටම මේක ඩාන්සින් වීඩියෝ එකක්. මටත් උවමනාව තිබුණා මේ සඳහා පෙනී සිටින්න. නර්ථන ශිල්පී ගයාන් ශ්‍රීමාල්ට මම ඒ කටයුත්ත භාර දුන්නා. ඔහුගේ කණ්ඩායමේ නර්තන ශිල්පීන් හතර දෙනෙක් එක්ක තමයි මම ඒ රංගනයේ යෙදෙන්නෙ.
 
මේ හරහා දන්නෙම නැතුව නදිනිත් රංගන ශිල්පිනියක් වෙලා. ඉදිරියේදී රංගනයට ආරාධනා ලැබුණොත්?
මම ෆීල්ඞ් එකට ඇවිත් අවුරුදු 12 ක් වෙනවා. මේ කාලය ඇතුළත ලැබුණ එවැනි ආරාධනා පිළිගත්තනම් මම මේ වෙද්දී රංගන ශිල්පිනියක් වෙලා ගොඩක් කල්. මගේ හැකියාව තියෙන්නේ ගායනයට නිසා ඒ දේ කරගෙන හිටියම හොඳටම ඇති.
 
ඔබ ගායිකාවක වීම ගැන සැමියා මධුර මොකද කියන්නෙ.
මම ගායිකාවක් වුණාට පස්සෙ තමයි ඔහු මට මුණගැහුණේ. අපි විවාහවෙලා දැන් අවුරුදු 9 ක්. එදා ඉඳල මේ ක්‍ෂේත්‍රයේ හැම දේකටම මට ඔහුගෙන් ලැබෙන්නෙ ලොකු සහයෝගයක්. ඔහු මගේ දක්‍ෂතාව අගේ කරනවා.
 
ඔහුව යුග ගායනයට වගේම රූප රචනාවට එකතු කරගෙන ගීතයක් කරන්න අදහසක් නැද්ද?
කෙරෙන්නෙ නැති දේවල් ගැන අදහසක් තියා ගන්න ඕන නැහැනේ. මධුර එවැනි දේකට තියා පේපර් ආටිකල් එකකට ටීවී ෆෝග්‍රෑම් එකකටවත් එන්නෙ නැති එයාගෙ බිස්නස් වැඩ කරගෙන පාඩුවෙ ඉන්න කැමති කෙනෙක්.
 
බිරිඳක් ගෘහණියක් වගේම දෙදරු මවක්වූ ඔබට කලාවේ නියැලෙන්න වෙලාවක් තියෙනවද?
ඔය හැම දේම කරන අතරේ රැකියාවල නිරතවෙන කාන්තාවෝ ඕන තරම් ඉන්නෙ. මමත් ඒ වගේ. මගේ රැකියාවට කලාව හැම දේම බැලන්ස් එකේ කරගෙන යනව. මගේ අම්ම තාත්ත වගේම මධුරගෙ අම්ම තාත්තා හැම දේකටම අපට උදව් කරනවා.
 
අම්මා සිංදු කියනව දැක්කම දුව පුතා මොකද කියන්නෙ?
පුතා ආර්යන් එක වසරේ ඉගෙනුම ලබනවා. දුව ආර්යානා තවම මොන්ටි සෝරි අධ්‍යාපනය ලබන්නෙ. ඒ දෙන්නටම පුංචි කාලේ ඉඳල මාව ටිවී එකෙන් වගේම ප්‍රසංගවල සිංදු කියනව දැකල ඒක දැන් සාමාන්‍ය දෙයක් වෙලා තියෙන්නේ. විශේෂ දෙයක් කියන්නෙ නෑ. හැබැයි අම්ම සිංදු කියනව කියල දන්නවා.
 
මතු දවසක ඔවුන් කලාවට යොමු වුණොත්?
තවම නම් එහෙම දෙයක් පේන්න නෑ. මගෙත් මහත්තයගෙත් එකම බලාපොරොත්තුව ඔවුන් සමාජයට වැඩදායී දෙදෙනෙක් කිරීම විතරයි. දුවත් පුතත් දක්‍ෂ අංශයකින් ඉදිරියට යවනව. අම්මට කලාවෙ නියැලෙන්න හොඳනම් දරුවන්ට ඒක නරක් වෙන්න බැහැනේ. දක්‍ෂකම් තිබුණොත් ඒ අංශයෙන් ඉදිරියට යවනවා.
 
ඉදිරි සංගීත කටයුතු ගැන කතා කළොත්?
හොඳ පද රචනා තෝරාගෙන ඒවාට මගේ හඬින් උපරිම සාධාරණයක් කරන අතරතුර එකකට එකක් වෙනස් ආකාරයේ ගීත හරහා ආදරණීය ප්‍රේක්‍ෂකයන් පිනවීම තමයි ඒ.
 
ධම්මික හේවාවසම්
උපුටා ගැනීම "දිවයින" පුවත්පතේ "මීවිත" අතිරේකයෙන්...........
Image may contain: 2 people, people smiling, people standing and wedding
Share This Article
Hiru Tv Blog
ඔබ සුන්දරත්වය රැකගැනීමට කෙතරම් සත්කාර...
Hiru Tv Blog
Thursday, 23 July 2020 - 11:13
Hiru Tv Blog 947 Views
සුන්දර පැහැපත් සමක් ලබාගැනීම සඳහා ස්වාභාවික...
Hiru Tv Blog
අප කවුරුත් උත්සාහා ගන්නේ නීරෝගීව දිවි...
Hiru Tv Blog
ආඝාතය “Stroke” යනු මොළය තුළට නිසි රුධිර...
Hiru Tv Blog
Wednesday, 08 July 2020 - 9:49
Hiru Tv Blog 3,070 Views
උළුහාල් සත්කාරයඅවශ්‍ය ද්‍රව්‍ය-  ...
Hiru Tv Blog
දිනේෂ් ප්‍රියසාද් පවුලේ දිනක්ෂි, ශේෂාද්‍රි, ශනුද්‍රි අක්කලා නංගිලා තුන්දෙනා...
Hiru Tv Blog
අංජුලා රාජපක්ෂ කියලා කිව්වාම කාටත් මතක් වෙන්නේ දුෂ්ඨ කෙනෙකු ලෙසයි. ඒ ඇය එවැනි...
Hiru Tv Blog
සචිනි අයේන්ද්‍රා සිනමාවේ පුංචි තිරයේ නිරූපණයේ දස්කම් පාමින් ප්‍රේක්ෂකයින්...
Hiru Tv Blog
ඇසට සම්බන්ධ කළ කාචයක් මගින් විවිධ තොරතුරු විශේෂ තිරයක් නැතිව බලා ගන්නට පුළුවන්...
Hiru Tv Blog
රොබට් ඩවුනි ජූනියර් කාගේත් ආදරයට පාත්‍ර වූයේ ටෝනී ස්ටාර්ක් හෙවත් අයන් මෑන්ගේ...
Hiru Tv Blog
ඇමරිකාවේ Federal Trade Commission විසින් කල පරීක්ෂණයකට අනුව Youtube පරිශීලනය කරන දරුවන්ගේ දත්ත...
Top