ජයන්ත අයියව විතරයි මොහොතකට හරි අපේ තාත්තා වඩාගෙන තියෙන්නේ
Wednesday, 27 May 2020 - 14:29 | Views - 629
අයියගේ මළගෙදරට පියා සහභාගි වුණේ නෑ. අපි අතර ඇතිවෙච්ච පොඩි ප්‍රශ්නයක් නිසා තමයි පියා ඒකට සහභාගි නොවෙන්න තීරණය කරල ඇත්තෙ. මගේ සහෝදරය අවුරුදු දෙකක් විතර අසනීපෙන් හිටිය. අසනීපෙන් හිටිය කාලෙ නොබලන්න ආපු කෙනා මරණින් පස්සෙ ඇවිල්ල වැඩක් නෑනෙ. එතුමට හිතෙන්න ඇති දැන් මම ගිහිල්ල වැඩක් නෑ කියල.

ඒ වගේ දෙයක් අහන්න ලැබීමම ලොකු වේදනාවක් නේද?
මමත් පියෙක්. මමත් ඇත්තටම දරුවා කියන කෙනා ගැන බලන විදිය හරිම වෙනස්. වෙන වෙන මොන සම්බන්ධතා තිබුණත් අපිට දරුවත් එක්ක තියෙන බැඳීම ගොඩක් දැඩියි කියලයි මමත් විශ්වාස කරන්නෙ. වෙනත් බන්ධනයක් ඊට වැඩිය ශක්තිමත් වෙන්න ඒක කොයි තරම් පවර්ෆුල්ද කියල තමයි මට දැන් අහන්න තියෙන්නෙ.

ජයන්තට ඒක කොයි වගේද දැනුණෙ?
මම ඒකට ජයන්ත අයියත් එක්ක එකඟ වෙන්නෙ නෑ. මොකද මම නම් පොඩි කාලෙ ඉඳලම ඉන්ඩිපෙන්ඩන්ට්. මම ඇත්තටම දන්නෙ නෑ ඇයි ජයන්ත අයිය ඔච්චරටම තාත්ත මත්තෙ නැහීගෙනම හිටියෙ කියල. ප්‍රශ්නයක් අපු වෙලාවකදි තාත්ත අපිට කියල දුන්න එක්කෙනක් මත්තෙ නැහෙන එකේ ප්‍රයෝජනයක් නෑ කියන කාරණය. ඒක අයිය ගත්තෙ නෑ. හැබැයි මම ගත්ත.

තාත්තට බැරි වෙච්ච යම් දවසක ඔයා ළඟට ආවොත් ඔයා දෙන උත්තරේ මොකක්ද?
ඒ මගේ තාත්ත. තාත්ත මගේ ළඟට ආවොත් මම කිසිම පැකිලීමකින් තොරව භාරගන්නව. මොකද තාත්ත අපිට දීල තියෙන දේවල් බොහෝමයි. ඇත්තටම කියනව නම් අක්කල දෙන්නට තමයි තාත්ත අඩුවෙන් කරල තියෙන්නෙ. අයියට, මට තාත්ත ගොඩක් දේවල් කරල තියෙනව. තාත්ත අපිට දුන්න කියන එක මම ඕන තැනක බය නැතුව කියනව. ඒ දීපු තාත්ත නැතිවීම සම්බන්ධයෙන් තමයි අපිට ප්‍රශ්නය තියෙන්නෙ

ජයන්ත කියල තිබ්බ ඔබටත්, ජයන්තටත් ඉදිරියට එන්න තාත්තා කිසිදෙයක් කළේ නෑ කියලා?
වික්ටර් රත්නායක මට දීපු දේවල් මට මතකයි. හැබැයි මගේ සහෝදරය කොහොමත් වෙන මිනිසුන්ව අගයන්න කැමති නෑ. මම ඒක බය නැතුව කියනව. ජයන්ත අයිය ස්තුති කරන්න දන්නෙ නෑ මිනිසුන්ට.

ඔබගේ විවේචනයක් තියෙනව අයිය ගැන?
අනිවාර්යෙන්. ඒක මිනිසුන්ට එන වැරැද්දක්. මම කියන්න තියෙන දේ කියනව. ජයන්ත අයිය තවත් කෙනෙක්ට හොඳයි කියල කියන්න මැළිකමක් දක්වනව.

ජයන්තගෙ දැඩි චෝදනාවක් තියෙනව තාත්ත ගැන. අඩුගානෙ වඩාගෙනවත් නෑ කියල?
ඒක ඇත්ත. ජයන්ත අයියව විතරයි මොහොතකට හරි අපේ තාත්ත වඩාගෙන තියෙන්නෙ. අපේ අම්ම කියන ජයන්ත අයිය අත දරුව කාලෙ තාත්තගෙ ඇඟේ චූ කරාම තාත්ත කෑගහල දුන්නලු. එදා ඉඳන් අපි කාවවත් වඩාගත්තෙ නෑ කියල තමයි අම්ම කියන්නෙ.

තාත්ත කෙනෙක්ට එහෙම වෙන්න පුළුවන්ද?
ඒක එක එක්කෙනාගෙ හැටි වෙන්න ඇති. වික්ටර් රත්නායකට චරිත තුනක් තියෙනව. වික්ටර් රත්නායක කියන මහා ගාන්ධර්වය රසික රසිකාවියන්ට එක චරිතයක්. වික්ටර් රත්නායක කියන මහා පුරුෂයා ගේ ඇතුළෙදි එක චරිතයක්. තමන්ගෙ දරුවන්ට, බිරිඳට එක චරිතයක්. වික්ටර් රත්නායකගෙ මිත්‍ර සමාගම ඇතුළෙ තව චරිතයක්. ඔය විදිහට වික්ටර් රත්නායක චරිත තුනක්.

තාත්ත ඔය දෙන්නටම ගීත ගායනා කරන්න එපා කියල ලියුම් එව්ව නේද?
ඔව්. මේ ප්‍රශ්නෙන් පස්සෙ ලියුම් එව්ව.

තාත්ත වෙන කාන්තාවක් විවාහ කර ගැනීම ගැන ඔයාට ඉරිසියයිද?
අම්ම ඉන්න කාලෙදිත් එයාට වෙන වෙන ඒව නොතිබුණා නෙමෙයි. ඒවට අපි මුකුත් කියන්නෙ නෑ. හැබැයි දැන් මේ වුණ දේ එයාගෙ වයසට ගැළපෙන, එයාගෙ සමාජ තත්ත්වයට ගැළපෙන දේකුත් නෙමෙයිනෙ.

ඔබගේ පියාගෙ ගීත ඇත්තටම බණක් වගේනෙ. එහෙම කෙනෙක් මෙහෙම කරපු එකේ නේද අවුල තියෙන්නෙ?
එයාගෙ සින්දුවලට මිනිස්සු ආදරෙයි. හාමුදුරුවන්ගෙ බණවලට වැඩිය වික්ටර් රත්නායකගෙ සින්දුවලට මිනිස්සු ආදරෙයි. හැබැයි මේ ප්‍රශ්නය තේරුම් ගැනීමේදී වික්ටර් රත්නායක කියන ගායකයා අයින් කරන්න. මේක බලන්න තාත්ත කෙනෙක් පුතෙක් අතර පවුලක් අතර වෙන ප්‍රශ්නයක් විදිහට. එතකොට ඕගොල්ලන්ට තේරෙයි මට යන්නෙ සාධාරණ කේන්තියක් කියල. මම තාත්ත කියන විදිහට තමයි පොඩි කාලෙ ඉඳල වැඩ කරල තියෙන්නෙ. මම තාත්තගෙ පුතා. මම අම්මගෙ පුතා නෙමෙයි. ජයන්තයි අම්මගෙ පුතා. මම ජීවත් වෙන්නෙත් තාත්ත මට දීල තියෙන උපදෙස් එක්ක. කියන්න තියෙන දේ කෙළින් කියන එක. මේ ඔක්කොම තාත්තගෙන් ආපු දේවල්. මට තාත්තට කියන්න තියෙන්නෙ ඔයා කියපු විදිහට තමයි මම වැඩ කරල තියෙන්නෙ.

වික්ටර් රත්නායක මියගියොත් ඒ මළගෙදර ඔබ යනවද?
නෑ. මම යන්නෙ නෑ. මම යන්නෙ නැත්තෙ එයා මට එන්න එපා කියල තියෙන හින්ද. එයා කියල තියෙන විදිහට තමයි මම මෙච්චර කල් වැඩ කරල තියෙන්නෙ. ඒ හින්ද ඒ වැඩෙත් මං කරන්නෙ ඒ විදිහට. මම යන්නෙ නෑ මරණෙට

සුදත්ත තිලකසිරි
Share This Article
Hiru Tv Blog
Monday, 10 August 2020 - 10:26
Hiru Tv Blog 321 Views
තෙල් සහ මේදය අපේ ශරීරයට අත්‍යවශ්‍ය ආහාර...
Hiru Tv Blog
ඔබ සුන්දරත්වය රැකගැනීමට කෙතරම් සත්කාර...
Hiru Tv Blog
Thursday, 23 July 2020 - 11:13
Hiru Tv Blog 1,410 Views
සුන්දර පැහැපත් සමක් ලබාගැනීම සඳහා ස්වාභාවික...
Hiru Tv Blog
අප කවුරුත් උත්සාහා ගන්නේ නීරෝගීව දිවි...
Hiru Tv Blog
ආඝාතය “Stroke” යනු මොළය තුළට නිසි රුධිර...
Hiru Tv Blog
බොලිවුඩ් සුපිරි නිළි ප්‍රියංකා චොප්රා සිය සැමියා නික් සමඟ ව්‍යායාම සිදු කරන...
Hiru Tv Blog
තාරුකා “මවක්” වී මේ මොහොතේ හැඟීම් මොන වගේද ගලා යන්නේ?කලින් ගෙවූ සරල සැහැල්ලූ...
Hiru Tv Blog
ජීවිතයේ බලාපොරොත්තු නොවුණු දෙයක් වුණේ. තාත්තා කියන්නේ පොඩි කාලේ ඉඳන් මගේ ජීවිතයේ...
Hiru Tv Blog
ඇසට සම්බන්ධ කළ කාචයක් මගින් විවිධ තොරතුරු විශේෂ තිරයක් නැතිව බලා ගන්නට පුළුවන්...
Hiru Tv Blog
රොබට් ඩවුනි ජූනියර් කාගේත් ආදරයට පාත්‍ර වූයේ ටෝනී ස්ටාර්ක් හෙවත් අයන් මෑන්ගේ...
Hiru Tv Blog
ඇමරිකාවේ Federal Trade Commission විසින් කල පරීක්ෂණයකට අනුව Youtube පරිශීලනය කරන දරුවන්ගේ දත්ත...
Top